Канаш районĕнчи Ешкилтре манăн пĕлĕшсем пурăнаççĕ. Ун пек маттур çынсем юнашар пулни аван. Мĕнпе тĕлĕнтереççĕ-ха вĕсем ыттисене? Ĕçченлĕхĕпе, ырă та ăшă кăмăлĕпе.
Сăмахăм Владимир Трофимовичпа Антонина Яковлевна Игнатьевсем тата вĕсен ачисем — Вова, Олеся тата Алита — çинчен пырать.
Ку сăн ÿкерчĕкре аппан хĕрĕпе Ленăпа пиччен ывăлĕ Слава тата Раççей Геройĕн Вера Волошинăн амăшĕ Клавдия Лукияновна Волошина сăнланнă. Вĕсене эпĕ 1977 çулхи утă уйăхĕнче Мускав облаçĕнчи Наро-Фоминск районĕнчи Крюково ялĕнче ÿкерсе илнĕ. Клавдия Лукияновнăпа эпĕ чылай вăхăт çыру çÿретнĕ.
Пĕррехинче кĕнеке-тетрадь хушшинче сарăхнă хут татăкĕ асăрхарăм. Тинкеререх пăхрăм та тĕлĕнтĕм: Валя аппа çырăвĕ иккен. Ăна вăл тахçанах çырса хатĕрленĕ. Унпа вулакана та паллаштарас кăмăл çуралчĕ:
«Вăрçă пуçланнă чух эпĕ 12 çулта пулнă, 6-мĕш класс пĕтерсе 7-мĕшне куçнăччĕ.
Çитмĕл пилĕк çул каялла кĕркунне пирĕн çĕршывра питĕ-питĕ йывăр лару-тăру пулнă. Мĕншĕн тесен Мускавран темиçе çухрăмра кăна нимĕç çарĕсем тăнă. Пĕтĕм халăх Мускава хÿтĕлеме кар тăнă. Хăйсен ирĕкĕпе хÿтĕлевçĕсен ретне çамрăк хĕрсемпе яшсем те йышлăн хутшăннă. Вĕсен хушшинче вуннăмĕш класра вĕренекен Зоя Космодемьянская, Мытищири суту-илÿ институтĕнчи виççĕмĕш курсри Вера Волошина, Клава Милорадова вĕрентекен тата ыттисем те пит нумай пулнă. 1953 çулхи вĕренÿ çулĕнче пирĕн отрядăн ертÿçи Фелицата Шатаева «Зойăпа Шура» повеçе вуласа кĕнекери геройсемпе паллаштарчĕ.
Чăвашла верси
Русская версия
