Тĕнчене терактсем кисретеççĕ, экстремизм вăй илсе пырать. Шел те, усал пулăм Раççее те тÿрремĕнех пырса тивет. Экстремизм идеологийĕ çамрăксен хушшинче тымар яма ăнтăлни те куçкĕрет. Шăпах çак хăрушлăха ăнланса ЧР Шалти ĕçсен министерстви çумĕнчи Общество канашĕ Шупашкарти коопераци институтĕнче яш-кĕрĕм экстремизм тыткăнне лекесрен сыхланмалли профилактикăн çивĕч ыйтăвĕсене халалласа «çавра сĕтел» ирттерчĕ.
Пассажирсене илсе çÿрекен автотранспорт предприятийĕсен ĕçченĕсем вăхăтра шалу илейменнине кура иртнĕ эрне чăннипех шавлă пулчĕ. Вĕсем ĕçе тухма килĕшменни пирки центрти телекурав та хыпарларĕ. Çавна май ЧР Пуçлăхĕ тунтикунсерен ирттерекен планеркăра ку ыйтуран пăрăнса иртмесси паллăччĕ ĕнтĕ. Çакă тÿрре тухрĕ — канашлăвăн кун йĕркине кĕртнĕ ыйтусене тишкерме пуçличчен Михаил Игнатьев «Чăвашавтотранспа» çыхăннă темăна та çĕклерĕ.
«Трактор завочĕсем» концернăн республикăри предприятийĕсем ĕçлесе каяс шанăç чăннипех вăй илет-шим? Апла-и, капла-и — хăçантанпа ĕнтĕ йывăррăн сывлакан заводсем тĕлĕшпе ырă хыпарсем килеççĕ.
Иртнĕ çулăн юлашки уйăхĕн юлашки кунĕсенче «трактористсене» ĕç укçипе çыхăннă парăмсене тÿлесе татни çинчен эпир пĕлтернĕччĕ. Çак кунсенче вара концерн предприятийĕсем энергетиксен умĕнче чылайранпа капланса пынă çĕр-çĕр миллион тенкĕлĕх парăмсене те тÿлени пирки хыпарлаççĕ.
«Чăваш Енре мĕн кăна çук: вăл çук, ку çук...» Çапларах шÿтлет йĕплĕ чĕлхеллĕ пĕр пĕлĕшĕм. Мĕн-мĕн çуккине пÿрне хуçлатсах шутласа пама пултарать: ăна туса кăлармаççĕ, кăна хатĕрлемеççĕ... Шел те, унăн вăрăм списокĕ пирĕн патра çук нефтьпе-ылтăнпа кăна вĕçленмест. «Промышленноç тракторĕсемпе те мухтанаймастпăр», — тет.
Чăвашла верси
Русская версия
