РФ Президенчĕн федерацин Атăлçи округĕнчи полномочиллĕ представителĕ Михаил Бабич Чăваш Ене килнĕ май йĕркеленĕ тепĕр канашлура ют çĕршывран турттаракан тавар вырăнне хамăрăн продукципе усă курмалли çинчен калаçрĕç.
Пирĕн вулакансем Шупашкарти Ленин районĕнче пурăнакан 9 ачаллă Егоровсене астума тивĕç. Çĕнĕ çул умĕн Лакрей вăрманне уçăлма тухнăскерсемпе тĕлпулнăччĕ вĕсемпе. Тĕрлĕ чĕрчуна çаврăннă ачасене шăпах çавăнта сăнÿкернĕччĕ. Кăçал пысăк çак йыш "Çулталăк çемйи" республика конкурсĕнче мала тухрĕ.
Çĕртме уйăхĕн 23-24-мĕшĕсенче декораци-прикладной искусствăн Пĕтĕм Раççейри "Руç ăстисем" XII конкурс иртрĕ. ЧР Халăх пултарулăх çурчĕ йĕркелекен мероприятие кăçал 53 ал ăсти хутшăннă, вĕсенчен 28-шĕ 13 регионтан килсе çитнĕ.
Иртнĕ номерте Çеçпĕл Мишшин амăшĕн вил тăприне чылай çул тирпейлесе тăнă Зоя Михайловăна аса илнĕччĕ. Сăпайлă хĕрарăм çакна капашсăр пысăк ĕç вырăнне хумасть. Çапах та хаçат вулаканĕсене Зоя Васильевнăпа çывăхрах паллаштарас килет.
84-ран иртнĕ вăл. Шупашкарта пурăнать. Пĕлтĕрччен дачăра ĕçлеме вăй çитернĕ. Халĕ çуртпа çĕр лаптăкне сутнă ĕнтĕ. Çĕнĕ хуçасем валли ыхра, улма-çырла хунавĕсем лартса хăварнă. «Хамăр çитĕнтернĕ çĕр улми пĕтмен-ха», - хăпартланать хресчен ĕçне юратакан чăваш хĕрарăмĕ. Çапла, тарпа йĕпеннĕ çĕр çинчен пуçтарса кĕртнĕ çимĕç тем тесен те тутлăрах.
Чăвашла верси
Русская версия
