Паян Правительство çуртĕнче 2019 çулшăн Чăваш Республикин Патшалăх премийĕсене тивĕçнĕ лауреатсене чысларĕç.
Çакнашкал чыслав 26 çул каяллах пуçланнă ĕнтĕ. Кун пирки Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев та палăртрĕ. Кăçал вара преми илекенсен ĕçĕсене Чăваш автономийĕ йĕркеленнĕренпе 100 çул çитнипе çыхăнтарма пулнине асăрхарĕ Олег Алексеевич.
Шупашкарти «Садовый» микрорайонта 1650 вырăнлăх шкул пулĕ. Паян строительство ĕçĕсем официаллă майпа пуçланчĕç.
«Хыпар» хаçатăн политика, вырăнти хăй тытăмлăх тата экономика пайĕн редакторне Николай Коновалова паян Тав хучĕпе чысларĕç.
Николай Дмитриевич Раççей ял хуçалăх надзорĕн Чăваш Енри тата Ульяновск облаçĕнчи управленийĕпе нумай çул ĕнтĕ тачă çыхăнса ĕçлет, унăн ĕç-хĕлне хаçатра çутатать. Çавна май Чăваш Республикипе Ульяновск облаçĕн ветеринарипе фитосанитари надзорĕн федераци службин управленийĕ ăна тав турĕ.
Çĕртме уйăхĕн 25-мĕшĕнчен пуçласа утă уйăхĕн 1-мĕшĕччен Раççей Федерацийĕн Конституцине тÿрлетÿсем кĕртессине ырлассипе сасăлав иртрĕ. Ун валли 7 кун уйăрни эпидеми лару-тăрăвĕ тĕлĕшĕнчен питĕ тĕрĕс пулчĕ. Сасăлавçăсем палăртнă тăрăх, çак тапхăрта кирек хăш кун пырса сасăлама май пурри черетсем пуçтарăнасран, кĕпĕрленсе тăрасран хăтарчĕ. Лару-тăру та пĕтĕмĕшле лăпкă иртрĕ.
Чăваш Енре пурăнакан Роман Павлов Раҫҫей ҫăлтăрĕнчен Николай Басковран ҫавнашкал парнене тивĕҫессе ĕненмен те. Ĕҫ-пуҫ вара ак ҫапларах пулса тухнă.
Чăвашла верси
Русская версия
