К.АНТОНОВ

23 Юпа, 2015

Туй хыççăн - пумилкке...

Кăшт маларах кăна çемье туй ирттернĕ. Хыççăнах çемье пуçĕпе мăшăрне пытарма тивнĕ - мĕнешкел пысăк хуйхă!

Çĕрпÿ районĕнчи Карай ялĕнче пÿртре çĕнĕ кин ирхине йывăр суранланнă хунямăшне тупнă. Васкавлă медпулăшу чĕннĕ, анчах 43 çулти хĕрарăма, пуç купташкипе пуç мимине амантнăскере, çăлса хăварма май килмен. Мĕн пулнă? Кăштахран хуралтăра хĕрарăмăн 46 çулти упăшкин виллине те тупнă та - пĕтĕмпех уçăмланнă.

9 Юпа, 2015

"АнтиДилер" - ÿсĕр водительсене хирĕç

ЧР ШĔМĕ çумĕнчи Общество канашĕ Чăваш Енри тата Мари Элти гражданла активистсем валли ÿсĕр водительсене тупса палăртас тата общество ĕçченĕсем право хуралĕн органĕсен сотрудникĕсемпе тачă çыхăну тытса ĕçлес енĕпе семинар-практикум ирттернĕ.

20 Çурла, 2015

Турăран та хăраман

Христос тĕнне ĕненекенсем пĕр-пĕр ĕç пуçарнă чух «Турă пулăштăр!» теме хăнăхнă. Çак çамрăксем вара апла каламан пуль çав - вĕсен «ĕçĕ» ăнăçсăр пулса тухнă. Тепĕр тесен çапла ыйтнă пулсан та Çÿлти Аттемĕр кунашкал ĕçре вĕсене пулăшмастчех.

Пăрачкав районĕнче хăйсем çамрăккине пăхмасăр маларах та судпа айăпланма ĕлкĕрнĕ 17 тата 15 çулсенчи каччăпа хĕр суд умне тăраççĕ. Вĕсене каварлашса пурлăх вăрланăшăн айăплаççĕ.

31 Утă, 2015

Чăваш полицейскийĕ - пĕрремĕш!

Чăваш Ен полицийĕн сотрудникĕ Евгений Григорьев /сăнÿкерчĕкре/ Раççей ШĔМĕн дежурнăй чаçĕсен сотрудникĕсен хушшинчи професси ăсталăхĕн конкурсĕнче хĕçпăшалтан тĕл перес енĕпе мала тухнă.

Ăмăрту Шалти ĕçсен министерствин сотрудникĕсен пĕлĕвне ÿстерекен институт никĕсĕ çинче иртнĕ. Унта çĕршыври полицин дежурнăй чаçĕсен 94 ĕçченĕ - "Професси енĕпе чи лайăххи" конкурсăн регионсенчи тапхăрĕн çĕнтерÿçисем - вăй виçнĕ. Полицейскисем хăйсен техника, медицина, спорт хатĕрленĕвĕн шайне кăтартнă, кашни дисциплинăра чи лайăххисене палăртнă.

Pages