Ирина ПЕТРОВА

Мăнкун çывхарнине шута илсе çынсене чун тĕлĕшĕнчен аталантарас енĕпе ĕçлекенсем — Канаш тата Тăвай епархине ертсе пыракан Стефан Владыка, Чăваш Енри тĕрмесенчи чиркÿсемшĕн яваплă Алексей Павлов протоиерей тата 6-мĕш округ благочиннăйĕ Иоанн Николаев иерей — Куславккари хĕрарăмсен 5-мĕш юсанмалли колонийĕнче пулчĕç, литурги ирттерчĕç. Кунти Турă Амăшĕн Владимирти сăнне асăнса лартнă чиркĕве айăпа кĕнĕ хĕрарăмсем нумаййăн çÿреççĕ. Хальхинче те вĕсем службăна чылаййăн хутшăнчĕç.

Тĕрме çемьесене аркатать. Статистикăна илер: юсанмалли колонисене тĕлпулăва 20 арçынран пĕрин патне мăшăрĕ çÿрет пулсан хĕрарăм патне… 60-тан пĕрин патне çеç. Арçынсен зонинче тĕлпулу пÿлĕмĕсемшĕн черет пулсан хĕрарăмсен пушши нумай. Мăшăрсем уйрăлаççĕ, ачисем ашшĕне е амăшне манаççĕ. Пилĕк çулта, сăмахран, çын хăйĕн йăх-тымарне çухатма пултарать, хитре мар ĕç-пуç — тĕрмере пулни — çав тери япăхпа вĕçленет. Уйрăлнă çĕр-çĕр çемье, арканнă çĕр-çĕр шăпа, урама кăларса пăрахнă çĕр-çĕр çын…

Тĕрмесенче /следстви изоляторĕсенче/ ача çурчĕсем — улттă. Мускаври 6-мĕш СИЗО пуçлăхĕ Татьяна Кириллова каласа панинчен /2013 çулхи нарăс уйă­хĕнче тухнă «Казенный дом» хаçатран/:

Пурнăç урапи пĕр самантлăха та кусма чарăнмасть. Иртнĕ вăхăт ырăпа палăрса юлать-и е инкек-синкекпе-и, япăхпа-и - малаллах талпăнать вăл. Кашни çыннăн хăйĕн шăпи. Унран ниепле те иртеймĕн. Çапла, нумай чухне мĕн шухăшлани пурнăçланаймасть. Паянтан пуçласа хаçатра решетке хыçĕнче пурăнакансен ĕçĕ-хĕлĕ, йăнăшĕсем, пысăк преступленийĕсемпе киревсĕр хăтланăвĕсем... çинчен каласа парăпăр. Сăмахăмăр йăлтах Куславккара вырнаçнă хĕрарăмсен юсанмалли пиллĕкмĕш колонийĕ çинчен пырĕ. Малалла вулас...

Subscribe to Ирина ПЕТРОВА