Георгий ТУСЛИ. Красноармейски районĕ.
Хаçат вулать, юрă юрлать
Сулахай хулпуççийĕ урлă сумка çакнă хĕрарăм Первомайски урамĕпе хăвăрттăн яра-яра пусать. Кунта 16 киле яхăн, анчах çурринче çеç мăрьерен тĕтĕм йăсăрланать…
Роза Трофимова почтальонка хаçат тусĕсем патне васкать. Чăн малтанах Анатолий Прокопьевăн урам урлă вырнаçнă кирпĕч çуртне кĕрсе тухать. Калинккене çепĕççĕн уçать.
— Сывлăх сунатăп, Анатолий Данилович. Вăй патăр, Мальвина Петровна, — тет вăл. — Паян «Хресчен сасси» те пур…
Ачисен ытамĕнче
Яманак — Трак тăрăхĕнче чи пысăк ялсенчен пĕри. Ваттисем каланă тăрăх, унта 300 яхăн кил.
Хветли кинемей йывăç çуртра ывăлĕн çемйипе кун кунлать. Ардальон Андреевичпа Екатерина Гавриловна Степановсем 1964 çултанпах мăшăр кăвакарчăн пек пурăнаççĕ. Вĕсем çав тери сăпайлă.
Çенĕк алăкне хуллен шаккарăм. Мана хирĕç кил хуçи тухрĕ. Хветли кинемей ывăлĕ пулчĕ вăл. Амăшĕ ăна юратса Артек тесе чĕнет. Хам мĕн çăмăлпа çÿренине пĕлтертĕм.