Андрей МИХАЙЛОВ

22 Чÿк, 2022

Проектсене пурнăçа кĕртеççĕ

Наци проекчĕсене пурнăçа кĕртмешкĕн кăçал 21 миллиард тенкĕ ытла пăхса хунă, 9 уйăхра палăртнă ĕçсен 63 процентне пурнăçланине пĕлтерчĕç стратеги аталанăвĕпе проектсем енĕпе ĕçлекен канашăн ларăвĕнче. Ăна ЧР Пуçлăхĕ Олег Николаев ертсе пычĕ.

Кун хыççăн кун
21 Чÿк, 2022

Правительство çуртĕнче транспорт отраслĕн ĕçченĕсене чысларĕç

ЧР Пуçлăхĕ Олег Николаев транспорт тытăмĕ çĕнĕлсе пынине, ĕçре хальхи йышши технологисемпе анлăн усă курнине палăртрĕ. Транспорт министрĕ Владимир Осипов каланă тăрăх, транспортниксем çĕнĕ проектсене пурнăçлас енĕпе хастар ĕçлеççĕ, отрасле цифровизацилессипе лайăх утăмсем тăваççӗ.

Кун хыççăн кун
10 Чÿк, 2022

Шупашкарти хальхи ÿнер центрĕнче "Чăваш ен сăнĕсем" курав уçăлчĕ

Ăна Паллă çынсен çулталăкне халалланă. Унта республикăри художниксен союзĕн членĕсен ĕçĕсене - портретсемпе скульптурăсене - тăратнă. Çак ĕçсене тумашкăн республика грант уйăрнă.

Ӳнерçĕсен ĕçĕсемпе ЧР Пуçлăхĕ Олег Николаев паллашрĕ. Вăл портретсенче сăнланнă мухтавлă ентешĕмĕрсем тĕрлĕ отрасль аталанăвне пысăк тÿпе хывнине, вĕсене асра тытмаллине палăртрĕ.

Кун хыççăн кун
6 Чÿк, 2022

"Хыпар" турнирĕн иккĕмĕш кунĕнче пăхаттирсем икĕ енлĕ кĕрешÿре мала тухассишĕн тупăшрĕç

Кире пуканĕ йăтассипе абсолютлă чемпион ятне Санкт-Петербургран килнĕ спортăн тĕнче класлă мастерĕ Иван Марков çĕнсе илчĕ. Чи йывăр виçере Киров облаçĕнчи Егор Демышевпа Чăваш каччи Александр Павлов пьелесталăн иккĕмĕшпе виççĕмĕш картлашкисем çине хăпарчĕç.

Ăмăрту пĕтĕмлетĕвĕпе командăсен хушшинче тĕп наградăна Киров спортсменĕсем тивĕçрĕç. Чăваш Енпе Тутарстан командисем иккĕмĕшпе виççĕмĕш вырăнсене йышăнчĕç.

Кун хыççăн кун
2 Чÿк, 2022

Паян 7 çын Раççей гражданинĕ пулса тăчĕç

Вĕсем пирĕн çĕршыв саккунĕсене, йăлисене пăхăнса пурăнăпăр тесе тупа турĕç. Туркменистанран, Таджикистанран, Иракран, Украинăран, Азербайджанран килнĕскерсем çывăх вăхăтра паспорт илĕç. Раççейĕн çĕнĕ гражданинĕсене ШĔМĕн миграци ыйтăвĕсемпе ĕçлекен управлени пуçлăхĕн тивĕçĕсене пурнăçлакан Алексей Чиняев саламларĕ.

Кун хыççăн кун

Pages