Archive - 10 Çĕртме, 2020

10 Çĕртме, 2020

Наци чĕлхисене аталантармалла

РФ Конституцийĕн 68-мĕш статйин 2-мĕш пунктĕнче республикăсем патшалăх чĕлхине çирĕплетесси пирки асăннă. Регионсенчи патшалăх учрежденийĕсенче, хăй тытăмлăх органĕсенче вĕсемпе вырăс чĕлхипе тан усă курмалла.

10 Çĕртме, 2020

Социаллă сетьсенче аталаннă стиль чĕрĕ калаçăва та куçса пыни шухăшлаттарать

Галина БЫКОВА, Республикăри наци библиотекин директорĕн заместителĕ:

10 Çĕртме, 2020

Чăваш чунлă çыннăн унта çитсе курмаллах

Константин Иванов çуралнăранпа кăçал 130 çул çитрĕ. Вилĕмсĕр поэтăн музей çуртне уçнăранпа вара — 80 çул. Çавна май çак çурт тата музей мĕнле йĕркеленсе кайни çинчен вулакансене каласа кăтартасшăн.

10 Çĕртме, 2020

Çăкăра упрама вĕренесчĕ

Йывăр пурнăçа тÿссе ирттернĕрен çав çулсене манăçа кăларма çук.
Вăрçă çулĕсенче пурнăç япăххине пула хĕллехи вăхăтра пирĕн яла ыйткалакансем килетчĕç. Пĕри кĕрсе тухса каять анчах, тепри килсе кĕретчĕ. Пурнăçри çак йывăрлăхсене манма хĕн. Вĕсем пире йывăрлăха чăтма, çирĕп йĕркене хăнăхма вĕрентнĕ.
Халĕ çăтмахра пурăнатпăр. Ырă çак пурнăçа пире камсем парнеленине манас марччĕ. Вĕсем яланах хисепре пулмалла.

10 Çĕртме, 2020

Вутра çунман, шывра путман

Пирĕн, вăрçă ачисен, вăй çитет е çитмест — ĕçлемеллех пулнă.
Хамран аслăрах тетепе, 13-14 çултискерпе, эпĕ яланах çурхи-кĕрхи акара уй-хире сÿрелеме хутшăннă. Эпĕ унран виçĕ çул кĕçĕнрех пулнă. Пĕррехинче кăнтăрлахи апата таврăнатпăр. Тете ватă лаша çинче, эпĕ юпах тиха çине утланнă. Виталий Степанов икĕ вăкăрпа сÿрелетчĕ. Вăл вара пĕрин çинче ларса пыратчĕ. Тепри айккинелле пăрăнчĕ. «Ме-ха сана пушă, — терĕ вăл мана ăна тăсса. — Эсĕ лаша çинче, хăваласа кил».