Чăваш Ен Пуçлăхĕн стипендине 2017 çулта илсе тăмашкăн пултаруллă çамрăксемпе чылай шкул ачи те тивĕçрĕ. Вĕсенчен пĕри — Вăрмар районĕнчи Пысăк Енккасси шкулĕнче ăс пухакан Арина Васильева.
Пĕрисем Чăваш Республикине урăх çĕршывран пурăнма килеççĕ, теприсем вара — кунтан куçса каяççĕ. Шупашкарта çуралса ÿснĕ Олег Петров çулталăк ытла Норвеги çĕршывĕнче, Осло хулинчен инçе мар пурăнать.
Çулталăкăн кирек хăш вăхăтĕнче те вăлтапа пулă тытма пулать. Анчах çулла шыв хĕрринче ларма кăсăклăрах пек туйăнать.
Муркашра пурăнакан Данила Любимов та пулла кайма юратать. Вăл Шупашкарти техникумра вĕренет, банкра ĕçлекен специалист пуласшăн. Çу кунĕсем пуçлансан, экзаменсем хыççăн, ăна юхан шыв тĕлĕнчен киле хăваласа кĕртме çук. Унпа калаçмашкăн та манăн килне мар, Муркаш плотини патне кайма тиврĕ.
Нумаях пулмасть пыл сăпасне уявларăмăр. Ун ячĕпе Муркашра тĕрлĕ мероприяти иртрĕ. Çавăнта тĕрлĕ çĕртен килнĕ хурт-хăмăрçăсем хăйсен хуçалăхĕсенче туса илнĕ çимĕçе сутрĕç. Вĕсен хушшинче пĕр ачана куртăм.
Мана Надя Устинова тесе чĕнеççĕ. Эпĕ 16 çулта. Хĕрлĕ Чутай районĕнчи Çĕнĕ Атикасси шкулне 11-мĕш класа кайма хатĕрленетĕп. Мана çут çанталăк пулăмĕсем тата чĕр чунсем кăсăклантараççĕ. Чи юратнисенчен пĕри вара — лаша.
Чăваш Енри шкулсенче финанс пĕлĕвĕ предмета ăса хывтарасшăн. Çак предмета Раççейри 72 регионта сăнав мелĕпе вĕрентме тытăннă ĕнтĕ.
Чăваш Енре ку проекта Сĕнтĕрвăрринчи гимназире тата Патăрьелти шкулта пурнăçласшăн. Вĕсен йышне Шупашкарти виçĕ шкул та кĕрĕ: 24, 30 тата 48-мĕшсем. Çулталăк вĕçне Раççейре вĕсен йышĕ 500-е çитмелле. Специалистсене уйрăм курссенче хатĕрлĕç.
Шăматкун, утă уйăхĕн 29-мĕшĕнче, кăнтăр иртни 3 сехет тĕлĕнче, Улатăрти пляжра ултă çулти арçын ача путма пуçланă. Ун патне вуннăри Денис Ведяшов, хулари 3-мĕш шкулта 4-мĕш класра вĕренекенскер, пулăшма васканă, çав вăхăтра вăл хăйĕн амăшĕпе тата шăллĕсемпе шыв хĕрринче каннă.
СУРСКИЙ РУБЕЖСКИЙ
Чăвашла верси
Русская версия
