Архив - 2014 - Тантăш

«Тевет» фольклор ушкăнне ялта çеç мар, тăрăхра та халăх аван пĕлет. Пĕр уяв та çамрăк артистсем хутшăнмасăр иртмест. Ара, ача-пăча тăван халăх юррине юрлани, ташшипе савăнтарни камăн чун-кăмăлне çĕклемĕ/ Ушкăнăн ертÿçи - Татьяна Васильевна Макарова. Вăл тăрăшнипех 1993 çулта шкулта ачасен «Тевет» фольклор ушкăнне йĕркеленĕ. Ваттисен кунне халалланă савăнăçлă концертра пĕрремĕш хут сцена çинче юрланине манаймасть ушкăн ертÿçи, мĕншĕн тесен вăл асра юлакан самант-çке, ачасемшĕн пушшех те.

Ыран пирĕн çĕр-шывра чăннипех те пысăк пĕлтерĕшлĕ ăмăрту старт илĕ. Хĕллехи XXII Олимп вăййисем пуçланĕç. Сочире иртекен Олимпиадăна пурĕ 90 ытла çĕр-шывран килнĕ спортсмен хутшăнĕ, вĕсем 15 тĕрлĕ дисциплинăра вăй виçĕç.

Шупашкарти пĕтĕмĕшле пĕлÿ паракан 19-мĕш вăтам шкулти 7 «Б» класс ачисем тĕрлĕ мероприятие хаваспа хутшăнаççĕ. Икĕ çул çак класа Любовь Васильевна Кудрявцева ертсе пырать. Вăл ачасен кăмăлне тивĕçтерекен ĕçсем ирттерме тăрăшать.

Пĕлтĕрхи чÿк уйăхĕн юлашки кунĕ Шупашкар районĕнчи Ишекпе унăн таврашĕнчи ялсенче пурăнакансемшĕн сумлă пулăмпа палăрса юлчĕ: чи ватă шкулсенчен пĕри 170 çул тултарчĕ. Çак тапхăрта çĕр-çĕр яш-кĕрĕмпе хĕр упраçа пĕлÿ, воспитани парса пурнăçăн анлă çулĕ çине кăларнă.

Кăрлачăн 22-мĕшĕнче Чăваш халăх поэчĕ Петĕр Хусанкай çуралнăранпа 107 çул çитрĕ. Аслă поэтăмăрпа çыхăннă мешехесенчен пĕри - унăн вил тăпри çине кайса «Ман тĕмĕскен тăпри типсе çитсен» сăвва вулани. Çак асăну вулавĕн йăли Петĕр Хусанкай 100 çул тултарнине чысланинченех пуçланнăччĕ.

Пĕр тăван Катьăпа Таня Никифоровăсем пирки педагогсем: «Эпир вĕсене питĕ яваплă ĕçсем шаннă-ха. Пултаруллăскерсене тĕрлĕ олимпиада - конкурса хутшăнтаратпăр. Вĕсемсĕр пĕр уяв та иртмест тата», - теççĕ вĕренÿре «5» паллăпа ĕлкĕрсе пыракан хĕр ачасем пирки ăшшăн.

Шкул сакки çине ларнă-ларманах Диана Моисеевăн чунĕнче сăвă çырас туртăм вăраннă. Ăнсăртран мар пуль. Пиччĕшĕн Артемăн сăввисем тăтăшах «Тантăш» тата «Çĕрпÿ хыпарçи» хаçатсенче пичетленнĕ, хĕр ачан та тăванĕнчен юлас килмен. Пиччĕшĕ йăмăкне шухăша уçăмлăрах çырма вĕрентнĕ тата тĕрлĕ сĕнÿпе пулăшнă.

Кăçалхи пĕрремĕш бал - кадетсен уявĕ - кăрлачăн çирĕммĕшĕнче Ача-пăча пултарулăх керменĕнче иртрĕ. Ăна Культура çулталăкне халалланă. «Хĕллехи юмаха» республикăри кĕçĕн тата 5-7 классенчи кадетсем пуçтарăннă.

2013 çул вĕçĕнче Çĕрпÿ районĕнчи шкулсенче вĕренекен çамрăк çыравçăсен «Çавал» ентешлĕхĕ йĕркеленнĕренпе 20 çул çитнине халалланă «Çĕрпÿ енĕн паллă çыннисем» пултарулăх конкурсне ирттертĕмĕр. Шкул ачисене хамăр тăрăхри сумлă, хисеплĕ çынсен ырă та пархатарлă енĕсене курма, вĕсем çинчен тĕплĕнрех пĕлме хавхалантарас, çамрăк çыравçăсен ăсталăхĕпе пултарулăхне ÿс- терме пулăшас тĕллев лартрăмăр хамăр ума.