Архив - 2014 - Тантăш

Сергей Николаевич Игнашевич - хÿтĕлевçĕ, спортăн тава тивĕçлĕ маçтăрĕ - 1979 çулхи утă уйăхĕн 14-мĕшĕнче Мускавра çуралнă. «Торпедо» шкулĕнче ăсталăх илнĕ. Вăл çак командăсемшĕн вылянă: «Спартак-Орехово» Орехово-Зуево (1999), «Крылья Советов» Самар (1999-2000), «Локомотив» Мускав (2001-2003), ЦСКА Мускав (2004 çултан пуçласа паянхи кунччен). 2002, 2005, 2006, 2012¹/2013 çулсенче Раççей чемпионĕ ята тивĕçнĕ. 2001, 2005, 2006, 2008, 2009, 2011 тата 2013 çулсенче Раççей, 2005 çулта вара УЕФА кубокне илнĕ. Раççейĕн пĕрлештернĕ командинче 94 матч вылянă, 5 гол кĕртнĕ.

Совет Союзĕн Геройĕ ятне тивĕçнисем çак районта пиллĕкĕн. Вĕсенчен пĕри, Константин Михайлович Антонов, шăпах Комсомольски 1-мĕш шкулĕнчен вĕренсе тухнă. Ун ячĕпе кунта асăну хăми те уçнă. Ан тив, çамрăк ăру камран тĕслĕх илмеллине пĕлсе ÿстĕр.

Мускаври çар университетĕнче вăй хуракан психологи наукисен кандидачĕ, Юрий Михайлович Охотников доцент, Çар ăслăлăхĕсен академийĕн профессорĕ каçсерен конференцие хатĕрленсе тĕрлĕ материал пухса хатĕрлет. Паян та компьютер умĕнче вăл. Ара, кирек епле ĕçе те тĕплĕн пурнăçлама хăнăхнă-çке.

- Тĕнчере тĕрлĕ професси пур. Хăвна кирлине суйласа илме çăмăлах мар çав. Ача чухне ÿнерçĕ те, тухтăр та, психолог та пуласшăн çунатланаттăм.

Хăшĕ-пĕри ÿт-пĕве çирĕплетес тесе тĕрлĕ хускану тăвать. Теп-рисем спорт секцийĕсене çÿресе савăнăç тупаççĕ кăна мар, хул-çурăма тĕреклетеççĕ те. Вун пĕрмĕш класра вĕренекен Валя Васильева вара шкулти "Родина" çарпа патриот клубне яланах хаваспа васкать.

«Кĕнеке – паха тупра, ăна упра. Кĕнекепе туслашсассăн ăс пухатăн», – тенĕ мĕн ĕлĕкрен ваттисем. Ку сăмахсем паян та кивелмен. Паллах, компьютер пĕлĕвĕ те питĕ кирлĕ. Анчах ачана кунашкал кăткăс техникăпа паллаштариччен, кирлĕ информацие çăмăл мелпе шырама вĕрентиччен малтан кĕнекепе туслаштармалла. «Мĕншĕн?» – тесе тĕлĕнетĕр-и? Ара, шăпах кĕнеке çамрăка шухăшлама, илемлĕ те яка калаçма, тĕрĕс çырма хăнăхтарать; асамлă та хăйне евĕрлĕ тĕнчене ертсе кĕрет; пулăмсене хак пама, анлăрах курма май парать.

Дима Золотаревшăн пурнăçра вĕренÿ пĕрремĕш вырăнта. Пур предмета та юратать вăл, çапах та чи çывăххи те, юратни – математика. Задача е уравнени шутласси уншăн çав тери çăмăл. Темĕнле кăткăс хăнăхтарусене те самантрах парăнтарать.

«Юрă вăл – пурнăç. Унсăр эпĕ пĕр кун та ирттерейместĕп. Тата вăл – чи лайăх сиплевçĕ, куллен сиксе тухакан йывăрлăхсене çĕнтерме пулăшать», – тет Хĕрлĕ Чутай районĕнчи Питĕркасси ялĕн пултаруллă ывăлĕ Владислав Жуков.

Кашни çулах Патăрьел тăрăхĕнче паллă поэтсен вулавĕсем иртеççĕ. Раиса Сарпи, Геннадий Айги, Митта Ваçлейĕ ячĕпе иртекен мероприятисенче чăвашлăхшăн çунакан, тăван чĕлхене чун-чĕререн юратакан шкул ачисем тĕрлĕ поэтпа автор сăввисене вулаççĕ. Айги вулавĕсем хальхипе саккăрмĕш хут иртрĕç.