Архив - 9 Фев, 2017 - Çамрăксен хаçачĕ

Вăрмар районĕнчи Çӳлти Кинчер ялĕнче пурăнакан Алексей Крылов Аслă Пинер ял тăрăхĕнчи çулсене хĕлле юртан тасатать. Алексейăн ашшĕ Владимир Николаевич 1993 çултанпа фермер хуçалăхне тытса пырать. Хăйĕн тăванĕпе Петр Николаевичпа малалла талпăнаканскерсем 5 пине яхăн гектар çĕр çинче тыр-пул акса ӳстереççĕ, ĕне тата сысна фермисем те пур вĕсен. Улми улмуççинчен аякка ӳкмест. Ӳрĕк çемьере çитĕннĕ Алексей ашшĕ пекех ĕçчен. Вăл çиччĕмĕш класра вĕреннĕ чухне пуçласа трактор рулĕ умне ларнă. Пĕлтĕр ăна тырă вырма шаннă.

Иосиф ДМИТРИЕВ-ТРЕР, Çеçпĕл Мишши ячĕллĕ Чăваш патшалăх çамрăксен театрĕн тĕп режиссерĕ:

– Чи малтан çакна калам: Дмитрий Моисеев «Çамрăксен хаçачĕн» редакторĕ пулнă чухне пушкăрт çыравçин Айгиз Баймухаметовăн «Ан хăвар, анне» повеçĕ номертен номере пичетленнĕччĕ. Ăна редактор хăй куçарнăччĕ. Çав хайлав чĕлхи тыткăнланăччĕ мана.

«Çамрăксен хаçачĕ» тата мĕншĕн килĕшет-ха мана? Унта ĕçлекен çамрăк корреспондентсен чĕлхи хăйне евĕр, çăмăл, ăнланмалла. Хăйсем мĕн шухăшланине, чунне мĕнле ыйтусем ыраттарнине вĕсем уçăмлăн калаççĕ.

Шупашкарти çул çитмен ачасен реабилитаци центрĕ ăнăçсăр çемьере çитĕннĕ вун-вун шăпăрланшăн иккĕмĕш кил пулса тăнă. Хăшĕ-пĕри унта 2-3 уйăх çеç пурăнать, теприсен çулталăкĕпех кун кунлама тивет. Йывăр лару-тăрăва çакланнă ачасем кунта хăйсене хăтлă туяççĕ. Вĕсемпе педагог-воспитательсем, псиохологсем ĕç-леççĕ.

Прокурорпа паллаштарнă

Нарăсăн 7-мĕшĕнче Чăваш Ен Пуçлăхĕ Михаил Игнатьев çут çанталăка сыхлакан прокурорсемпе тĕл пулнă. Атăлçири регионсен хушшинчи çут çанталăка сыхлакан прокурор Вениамин Селифанов Шупашкарти çут çанталăка сыхлакан прокуратурăн çĕнĕ прокурорĕпе Ирина Бородинапа паллаштарнă.

Çĕр çине килнĕ чун пурăнма çуралать. Шел те, хăшĕ-пĕрне çут çанталăк сывлăх енчен кÿрентерет. Пĕрисем хăрах алăсăр çут тĕнчене килеççĕ, теприсем кĕске ураллă çуралаççĕ... Мĕн пĕчĕкренех куç курманнипе, хăлха илтменнипе аптăракан та сахал мар.

Çак çĕр çине этем хăйĕн çĕклемне йăтма килет. Чăваш Республикин искусствăсен тава тивĕçлĕ деятелĕн Марина КАРЯГИНĂН çĕклемĕ вара — литературăпа искусство. Ентешĕмĕн пултарулăх сунтăхĕнче веçех пур: сăвă-поэма, калав-повеç, сценарисем, хăй режиссер пулса ÿкернĕ фильмсем... Театр искусствине те вăл хăюллăнах пырса кĕчĕ. Марина Карягинăн «Кĕмĕл тумлă çар» хайлавĕпе Çамрăксен театрĕ лартнă спектакль тĕнче шайне тухрĕ. Часах çак пьеса, кĕнекере виçĕ чĕлхепе /чăвашла, вырăсла, акăлчанла/ пичетленнĕскер, вулаканшăн парне пулĕ. Марина Карягина 2011 çулта «Чĕнтĕрлĕ чаршав» театр конкурсĕнче «Çулталăкри чи лайăх драматург» ята тивĕçрĕ, 4 çул каялла вара ЧР Патшалăх премине илчĕ. Пĕлтĕр К.Иванов ячĕллĕ Чăваш патшалăх академи драма театрĕн сцени çине унăн пьеси тăрăх хатĕрленĕ «Куккуклă сехет» спектакль тухрĕ.