Архив - 2016 - Çамрăксен хаçачĕ

Галина Маясина кăкăрне илемлетекен наградăсем хĕвел питтинче тата ытларах йăлтăртатрĕç. Çĕнтерÿ кунĕн парадне ветеранпа пĕрле тухнă мăнукĕн хĕрĕ Диана вĕсене, ытти чухне курнă пулин те, татах сăнарĕ, медальсене тивĕçнĕ хĕрарăмпа мăнаçланчĕ.

Йывăр шухăшсем канăç памаççĕ, чуна уçса калаçма çумра çын çук... Кашниех кунашкал лару-тăрура пулса курнă. Мĕн тумалла? Пуç усмалла мар, «шанăç телефонне» шăнкăравламалла. Ку служба психолог пулăшăвне кăткăс лару-тăрăва лекнĕ кирек мĕнле ÿсĕмри çынна — хăть кăнтăрла, хăть çĕрле — васкавлă парать.

Çу уйăхĕн 8-мĕ­шĕнче Элĕк районĕнчи Вырăс Сурăм ялĕнче тухнă пушар 7 çыннăн пур­нăçне, вăл шутра 4-шĕ — ачасем, татнă.

Надежда Григорьевăпа Валерий Евграфов ачаранпа пĕрле выляса çитĕннĕ. Пĕр класра вĕренсе пĕлÿ тĕнчипе паллашнă. Пике йĕкĕте салтака ăсатнă чухне хăй чĕнтĕрленĕ, тĕрлесе «ВÇН» тесе çырнă, чечек ÿкернĕ сăмса тутăрĕ парнеленĕ. Çапла майпа чĕринчи хĕмленме пуçланă юратăва палăртнă.

Çынна телейлĕ туйма нумай та кирлĕ мар: савнă мăшăрпа чун тĕпренчĕкĕсем, ашшĕ-амăшĕпе çывăх çынсем, тус-тăван юнашар пулни, çемьепе пурăнмашкăн кил-çурт пурри, килĕштернĕ ĕçре вăй хуни. Çак ырлăха Туррăн юратăвне туйсан çеç курма пулать-тĕр. Çÿлти Аттемĕрĕн саккунне пăхăнса пурăнма çăмăл мар.

Вăрçă çулĕсем Етĕрне районĕнчи Пĕр-çырланра пурăнакан Вера Полякова асĕнче тарăн йĕр хăварнă. 90 çула пуснă кинемей шÿтлеме кăмăллать пулин те ăна çав йывăр тапхăра куçĕ умне кăларма çăмăл мар. Унăн çамрăклăхĕ тăшмансем пирĕн çĕршыва тапăнса кĕнĕ вăхăтра иртнĕ. Тылра ыттисемпе пĕрле тар тăкас вырăнне вăл Свердловск облаçне лекнĕ.

Кăçалхи кăрлачăн 14-мĕшĕнче «Çамрăксен хаçатĕнче» тухнă «Чăваш халăх историне шкулта вĕрентĕç-и?» статьяна вуласан эпĕ хаçатăн çак номерне «кирлĕ пулĕ-ха» тесе ĕç папкине чиксе хунăччĕ. Ун çинчен акан 7-мĕшĕнче «Несĕлсен йăлине пăхăнсан халăх пек упранса юлăпăр» интервьюна вуласан аса илтĕм. Икĕ статьяна та тепĕр хут тимлĕн вуласа тухнă хыççăн çыру çырма шухăшларăм. Малалла вулас...

Çамрăк авторсен литература пултарулăхĕн «Çĕнĕ ятсем уçатпăр» /Открываем новые имена/ республика конкурсĕн пĕтĕмлетĕвĕсем хатĕр. Хальхинче вăл улттăмĕш хут иртрĕ, ăна чăваш литературин классикĕ К.В.Иванов çуралнăранпа 125 çул çитнине халалланă.

Конкурса республикăри 13 районтан тата 3 хуларан пурĕ 44 çын, ытларах шкул ачисемпе студентсем хутшăннă. Ĕçлекен çамрăксен пултарулăх ĕçĕсем — сахалрах. Хĕрсем хастартарах пулнине палăртмалла.

Пире тăнăç пурнăç парнеленисене хисеплесе Çĕнтерÿ кунĕнче пĕчĕккисем те, аслă ÿсĕмрисем те парада хутшăнаççĕ. Çу уйăхĕн 9-мĕшĕнче тĕп хулари Хĕрлĕ тÿремре çар техникине çулленех курма пулать. Пĕлтĕр парада лаша спорчĕн çар тĕсĕпе — джигитовкăпа — интересленекенсем хутшăнса хăйсен ăсталăхĕпе тĕлĕнтерчĕç.