Архив - Дек 2015 - Çамрăксен хаçачĕ

«Конвертри шалу» - хальхи саманара анлă сарăлнă ăнлав. Вăл - ĕçлекен çын документра алă пусмасăр илекен укçа. Унăн виçине ниçта та палăртмаççĕ. Кунашкал шалу илекенсене малашлăхра мĕн кĕтет? Çак лару-тăрура çыннăн тивĕçлĕ канăва тухсан пĕчĕк пенсипе çырлахма тивет. Ĕçлекен çын вăй хунă хушăрах саккунпа килĕшÿллĕн тĕрлĕ соцпулăшупа усă кураймасть, отпускра туллин канаймасть, ача пособине те алла тытса кураймасть... Унсăр пуçне шалăва официаллă майпа илменнисем ипотека кредичĕпе те усă кураймаççĕ. Тĕрĕссипе, ку списокăн вĕçĕ-хĕрри çук.

Чăваш пики тесен куç умне сăпайлă та ăслă, çаврăнăçуллă та хÿхĕм хĕр тухса тăрать. Чăваш хĕр-упраçĕ ĕлĕкренпех ĕçченлĕхĕпе палăрнă. Çакăн пек шухăшсемпе Шупашкарти филармони алăкне уçрăм. Чăвашлăх шăрши кĕрет кунта. Каçал тăрăхĕнчен килнĕ фольклор ушкăнĕ зала юрă-ташăпа тултарчĕ.

Дмитрий МОРОЗОВ - «Ян­­­­­­­­­­­­­­­­­­­­­таш» эстрада ушкăнĕн юрă­­­çисенчен пĕри. Сцена çинче юрласси уншăн - чун киленĕçĕ. Дима - строитель, ĕçтешĕсемпе пĕр çурт кăна мар çĕкленĕ.

Куйбышеври çар чаçĕнчен тухнă пуйăс ăçталла чашлаттарнине салтак аттине тин кăна тăхăннă яшсем çанталăкран çеç тавçăрайнă. "Кăнтăралла каятпăр пулас..." - ăшша сиссе пăшăлтатнă географие тĕшмĕртнисем. Ăçта илсе çитерессе вĕсене никам та пĕлтермен. Ташкентра чарăннă хыççăн вакунра ларса пынă Аслă Елчĕк каччи Сергей Бобин юлташĕсене çапла каланă: "Курăр акă, ыран Термез пулать. Киле çыру ярса ĕлкĕрĕр". Ăçтан пĕлет-ха вăл ăна? Узбекистанри çав хулара çар бази вырнаçнине те, унтан салтаксене Афганистана ăсатнине те...

«Çăм арлаймастăп, чĕнтĕр çыхаймастăп», - терĕ хăнасене тарават кĕтсе илме пĕлекен Валентина Бурмистрова. Кĕнчеле те тытса ларĕччĕ вăл, çекĕлпе чĕнтĕрлĕ салфетка та çыхĕччĕ - ку ĕçсене тума пĕлет Валентина Моисеевна. Анчах… Хăрах алăллă вăл. 52 çул çапла пурăнать. Куншăн нихăçан та ÿпкелешмен. Шăпи çапла килсе тухнă - чăтнă, хăнăхнă та малалла пурăннă. Пĕр алăсăр юлсан чун тĕпренчĕкне юратни каялла чакма паман ăна.

"Ял-йыша култарман…"

Раштавăн 3-мĕшĕнче «Çамрăксен хаçачĕн» уявĕ иртрĕ. Çак куна пирĕнпе пĕрлех хисеплĕ вулаканăмăрсем те кĕтрĕç.

Вулакан юратăвне туйни

çунат хушать

Владимир Путин тъллевсене палăртръ

Кашнинех пĕрремĕш юрату пулнă, анчах тĕрлĕрен вĕçленнĕ. Таньăшăн вăл чуна ĕмĕрлĕх кĕрсе вырнаçнă туйăм пулса тăчĕ.