Архив - 31 Дек, 2015 - Çамрăксен хаçачĕ

Мĕн кăтартĕ пире Упăте?

“Çамрăксен хаçачĕн” пики - Людмила Александрова

Спортпа туслă пулни Кремле çитме çул уçать

Туслăха тата çирĕплетер

Качака çулĕ тухăçлă иртрĕ

Эрнере пилĕк хутчен мунча кĕрет

Туй кунĕнче те клип ÿкернĕ

Корпоратив хыççăн рок-н-ролтан сивĕннĕ

Ачасем Хĕл Мучирен мĕн ыйтаççĕ?

Уншăн 2052 çын сасăланă

Кашни шăпăрлан кĕтекен Çĕнĕ çул - чи асамлă уяв. Шăпах ун чухне ĕмĕтсем пурнăçа кĕреççĕ. Пĕри Хĕл Мучирен тетте ыйтса илет пулсан тепри çемье ăшшине туясшăн. Ĕмĕтсем расна. Чылайăшĕ кăçал ырă ĕçсем тунă, дневникри «5» тата «4» паллăсемпе ашшĕ-амăшне савăнтарнă, медальсемпе Хисеп хучĕсен пухмачне пуянлатнă... Шăпах унашкаллисен Мускаври Кремльте иртекен елкăна хутшăнмашкăн шанăç пысăк. Ара, унта кайма маттуррисенчен маттуррисене суйлаççĕ-çке. Çĕршыври тĕп елкăна Чăваш Енри ачасем çулленех хутшăнаççĕ. Раштавăн 24-мĕшĕнче 46 шăпăрлан пуйăса ларса çĕршывăн тĕп хулине кайнă.

Кăçал та, иртнĕ çулсенчи пекех, хаçата содержани тĕлĕшĕнчен пуянлатма кăларăмăн çывăх тусĕсем пулăшса пычĕç. Ку йыш пĕчĕк мар.

2015 çул «Çамрăксен хаçачĕн» редакцийĕшĕн çав тери тухăçлă пулчĕ. Унчченех йăлана кĕртнĕ «Чуна уçса калаçар», «Паттăр çуралнă тăрăхра», «Çыравçă ялĕнче - хăнара», «Хам куртăм!» тата ытти рубрикăна малалла тăсрăмăр, çавăн пекех çĕннисене пуçартăмăр: «Паллă çынсен çамрăклăхĕ», «Пĕр çын шăпи»… ЧР Информаци политикипе массăллă коммуникацисен министерстви ирттернĕ социаллă пĕлтерĕшлĕ проектсен конкурсĕнче «Паттăрсен мухтавлă çулĕпе» проекта пурнăçа кĕртме грант çĕнсе илтĕмĕр.

22 çул каялла пулса иртни çинчен Совинсен килĕнче калаçма юратмаççĕ. Пуйăсран тĕксе янă хыççăн 9-ти тĕпренчĕкĕ икĕ урасăр, сулахай аллисĕр юлнине никам та куççульсĕр каласа кăтартаймĕ, çавăнпа йывăр аса илÿсене чун тĕпĕнче пытарса упраççĕ вĕсем. Малалла вулас...

Чăваш эстрадинче «Хурăнташ» ушкăн ертÿçи Денис АНТИПОВ пек лăпкă та сăпайлă, ытлашши сăмах ваклама юратман яш çук та пулĕ. Çут çанталăк ăна кÿрентермен: яштака пÿ-си, хĕвеллĕ сăн-пит, илĕртÿллĕ кулă, сапăр сас панă. Çирĕп кăмăл, каланă сăмаха тытма пĕлни, пуçланă ĕçе вĕçне çитерни... Çаксем йăлтах пур Денисăн.

Çĕнĕ çул савăнăçлă самантпа пуян. Тепĕр тесен, уявĕ хăй те шÿт-кулă сăлтавне çаврăнма пултарать. Парне, апат-çимĕç, çи-пуç шыраса лавккаран лавккана хыпаланатпăр, ĕçре ăшталанатпăр... Ĕç тенĕрен, шăпах корпоративри кăсăклă самантсем çинче чарăнса тăрар-ха паян. Ун пирки мĕнле кăна шÿт çÿремест пулĕ халăхра? Тĕслĕхрен, уява кайиччен асăрханăр - çав çынсемпе сирĕн малашне те ĕçлемелле* воспитани правилисене ан манăр - сĕтел айне кĕрсе ÿкиччен ĕçтешсемпе сыв пуллашăр. Çакăн евĕр шÿтсем пурнăçран тухнине ĕненместĕр-и? Апла тăк атьăр-ха уяв йĕркелÿçисемпе калаçар.

Аслă Устюг хулинче асамлă почта уйрăмĕ пур, Хĕл Мучи патне çырнă мĕн пур çыру унта лекет. Çулсеренех 200 пин ытла çыру йышăнать вăл. Тен, чылайăшĕ почта адресне пĕлмест те пулĕ - кирлĕ çĕре «Хĕл Мучие» тесе кăтартнипех çитет. Хĕл Мучи почтин филиалĕсем Чăваш Енре те уçăлчĕç. Вĕсенчен пĕри Шупашкарти В.Маяковский ячĕллĕ библиотекăра ĕçлерĕ. Раштавăн 24-мĕшĕ тĕлне Хĕл Мучин пулăшуçисем 1400-е яхăн çыру йышăнчĕç. Мĕн кĕтеççĕ-ха уявăн тĕп асамçинчен, мĕн пирки ĕмĕтленеççĕ ачасем? Çакна пĕлес тĕллевпе эпĕ те юмахри почта уйрăмне çитсе çырусемпе паллашрăм.

Хĕвел тухăç календарĕпе килĕшÿллĕн çи­тес çул Хĕрлĕ упăте хуçаланĕ. Вăл çул çÿреве, сăрт-тупа илемлĕ тавралăха кăмăллать. Çитес çулта пысăк плансем пурнăçа кĕртессишĕн ытлашши ан çунăр: Упăте пур-пĕрех хăйĕнни пек тăвĕ. Ан манăр: вăл та тĕнчере юратупа килĕшÿ хуçаланччăр тесе тăрăшать. 2016 çул хуçинчен мĕн кĕтмелле? Вăхăт кăтартĕ. Хальлĕхе çăлтăрсем мĕн сĕннипе паллашар.