Архив - 2017 - Чăваш хĕрарăмĕ

Раççей Президенчĕ Владимир Путин çитес çул Ачалăх вунă çуллăхĕ пуçланасси çинчен указ кăларнă. Ăна çу уйăхĕн 29-мĕшĕнче алă пуснă. Вăл 2027 çулччен тăсăлĕ.

Çакна 2012-2017 çулсенче ачасен интересĕсемпе ĕçлекен Наци стратегийĕ ăнăçлă пурнăçланса пынине шута илсе ачалăха хÿтĕлес енĕпе патшалăх политикине лайăхлатса пырас тĕллевпе йышăннă. Указа право информацийĕн интернет-порталне вырнаçтарнă. Правительствăна малтанхи икĕ çулти тĕп мероприятисен планне 3 уйăхра çирĕплетме хушнă.

Ыттисен хушшинче палăрса-уйрăлса тăракан хĕрарăм çинчен ыйтсан Красноармейскисем тÿрех Клавдия Васильева çинчен аса илчĕç. Пăрчăкан пек вăр-варскер çинчен калаçмасăр епле чăтăн-ха? Таçта та ĕлкĕрет, ырă кăмăлĕпе чун ăшшине такам валли те çитерет, пулăшу ыйтакана нихăçан та хирĕçлемест хĕвел пек сарă хĕрарăм.

* Кашлатăр... кедр вăрманĕ

* «Шăрчăк таврашĕнчен» тухнă ÿнерçĕ

* Тупăшлă та, усăллă та

* Упăшка мĕн калĕ?

* Ÿкекен те, наркăмăшланакан та пур

* Ĕне çилли çуркалансан

Тĕплĕнрех...

Шупашкарти илемлĕ урамсенчен пĕри чăваш ÿнерĕн историйĕнче пысăк сас паллисемпе çырăнса юлнă Никита Сверчков ячĕпе хисепленнине кашниех пĕлмест те пулĕ. Маçтăрăн пултарулăх эткерĕнче чăваш халăхĕн кун-çулне çутатакан ĕçĕ те сахал мар.

Георгий салтака кайичченех хăйсен ялĕнче пурăнакан Зинăпа юлташла çÿреме тытăнчĕ. Иккĕшĕ те вĕсем колхоз ферминче ĕçлерĕç. Георгий ĕне пăхрĕ, çуллахи вăхăтра кĕтÿ кĕтрĕ, хĕлле вара выльăх витине тасатса тăчĕ, апат пачĕ, шăварчĕ. Зина — доярка. Вĕсем пĕр-пĕрне çав тери килĕ-штерчĕç. Вăхăт иртнĕçемĕн юлташлăх чăн-чăн юратăва куçрĕ. Çапла вĕсем чунран савсах пĕрлешрĕç.

Ĕне сĕт лайăх антартăр тесен унăн çилли таса, сывă пулмалла. Сăвас умĕн çуса тасатнă, типĕтнĕ çилле массаж туни те аван. Ку юна хăвăртрах чупма, сĕте лайăх антарма пулăшать. Тĕппипех суса илни те çилле чире каясран сыхлать.

Ачасен чи кĕтнĕ вăхăчĕ — çуллахи каникул — çитрĕ. Вĕсен канăвне мĕнле йĕркелемеллине тахçанах планлама пуçланă ашшĕ-амăшĕ. Хуларисен — яла, ялтисен хулана каяс килет. Пĕве, кÿлĕ, юхан шыв çывăхĕнче каннипе çырлахманнисем тинĕс хĕрринче хĕвел айĕнче хĕртĕнесшĕн.

Ача-пăчапа сыхă пулмаллине кашни ашшĕ-амăшĕнех асра тытмалла. Пуçа çавăрнă е куçа хупса илнĕ вăхăтра та инкеке çакланма пултарать вăл. Çапах мĕне пула больницăна лекет-ши ывăл-хĕр? Е тĕпренчĕкĕн пурнăçĕ мĕншĕн вăхăтсăр татăлать-ши?