Архив - 2017 - Чăваш хĕрарăмĕ

Вăхăт шав малалла шăвать. Хăйĕн йĕрне вăл асăмăрсенче çеç мар, япаласенче те хăварать. Сăмахран, сăн ÿкерчĕкре. Шăпах вĕсене пула ĕнтĕ истори саманчĕсем пулас ăрусемшĕн те сыхланса юлаççĕ.

* Лаша таканлама чĕнеççĕ

* Хушма балсем

РФ Вĕренÿ министерствин хушăвĕпе килĕшÿллĕн кăçал аслă шкула вĕренме кĕрекенсене, «Ĕçпе хÿтĕлеве хатĕр» ылтăн паллă пуррисене, балл /1-рен пуçласа 10-ччен/ хушса параççĕ. Ку, паллах, малтанах ГТО комплексĕн V-VI пусмине пурнăçланă 17-18 çулти абитуриентсене пырса тивет.

Ылтăн палла алла илсе ĕлкĕрейменнисен тĕлĕшпе Раççей спорт тата вĕренÿ министерствисем ятарлă килĕшĕве алă пуснă. Унпа килĕшÿллĕн вĕренме кĕрес тĕллевлĕ яш-кĕрĕм йышăну комиссине регионти спорт ведомствинчен илнĕ ятарлă хута тăратма пултарать.

Вăхăт ывăнма пĕлмест, юханшыв пек малтан мала ыткăнать. Самантлăха та пулин чарăнасчĕ... Çук. Этем те çавах мар-и? Вăл та малаллах васкать. Утать те утать пурнăç çулĕпе, ватлăх хăваласа çитнине те сисмест.

— Эпĕ хам çуралнă çурта тата ачалăха лайăх ас тăватăп. Пирĕн йăх ĕçченлĕхпе палăрса тăнă. Атте те, анне те çĕр çинче тăрăшнă. Çарран чупнă чухнех атте вĕрентсе каланă сăмахсем асра: «Ĕçлеме ан ÿркенĕр, çĕрпе туслă пулăр», — тетчĕ вăл, — аса илет иртнине утмăл урлă каçнă Иван Вазюков.

* Кĕтме пăрахсан... хваттерлĕ пулнă

* Таркăна тупаççĕ

Вунă ачаллă çемьере çуралса ÿснĕ Ризида Зейнетдинова. 2005 çулта амăшĕ, çулталăкран ашшĕ вилсен çичĕ ывăлпа виçĕ хĕр тăлăха юлнă. Юрать-ха тăванĕсене пытарнă тĕле аслисем хăйсем тĕллĕн пурăнма вĕренсе çитнĕ, çул çитменнисем виççĕн пулнă.

 «Кутăн ашака хулă юсать» теççĕ халăхра. Çынна вара мĕн йĕркене кĕртет-ши? Мĕнле майпа ăса вĕрентмелле ăна? Чылай чухне чăннипех пĕлтерĕшлине те — хамăр хăрушсăрлăха пырса тивекеннине — йышăнмастпăр-çке.

Акă каçхине ваттин те, вĕттин те урамра çутатакан япаласăр çÿреме юраманнине пурте пĕлетпĕр пек, анчах ку йĕркене пăхăнмастпăр. Çакна вăйă шайĕнче хаклатпăр курăнать. ЧР ШĔМĕн ÇÇХПИ Управленийĕн пуçлăхĕ Владимир Романов та çакнах калать. Ялта пĕр çын çинче те кураймăн ăна.