Пĕтĕм Раççейри ял хуçалăх çыравĕ - 2016 пĕтĕмлетĕвĕ тăрăх Пушкăртстанстат кăсăклă фактсем пĕлтернĕ.
Анлă статистика тĕпчевĕ тăрăх - халăх асăннă регионта сайра тĕл пулакан çимĕçсем, абрикос тата ананас ÿстернине палăртнă. Çавăн пекех чечек, сайра тĕл пулакан ÿсентăран çитĕнтерекенсен йышĕ те нумайланнă.
Часах Раççей территорийĕнчи чĕрчунсем хăйне майлă идентификаци номерĕсем илĕç. 2018 çулхи кăрлач уйăхĕн 1-мĕшĕнчен пуçласа çĕршыври фермерсен тата килте чĕрчун тытакансен вĕсене номерлĕ чиппа, татуировкăпа е тавропа тивĕçтермелле. Патшалăхăн ятарласа йĕркеленĕ информаци тытăмĕнче чĕрчун пурнăçне сăнлани çырăнĕ. Раççей вице-премьерĕ Аркадий Дворкович хушăвĕпе нарăс уйăхĕн 15-мĕшĕччен РФ Ял хуçалăх, Экономика аталанăвĕн тата Финанс министерствисен идентификацие пурнăçа кĕртме "çул-йĕр картти" хатĕрлемелле.
Çулсеренех кăрлач уйăхĕнче Раççей тата Чăваш Пичечĕн кунĕсене паллă тăватпăр. Массăллă информаци хатĕрĕсен ĕçченĕсемшĕн пысăк уяв темелле ĕнтĕ вĕсене. Çапах та тепĕр ыйту хумхантарать: журналистикăн пуласлăхĕ пур-и? Шкул ачисенчен хăшĕн те пулин хăйĕн пуласлăхне çак ĕçпе çыхăнтарас кăмăллă-ши? Пур иккен ун пеккисем те. Шкулта вĕреннĕ вăхăтрах журналист çăкăрне тутанакансем те хамăр хушăрах.
Сăмахăм Чăваш наци телекуравĕн «Акилбупсер» кăларăмне ертсе пыракан Данилăпа Никита Васильевсем çинчен-ха. /Пĕлсе тăма: акилбупсер сăмах мĕне пĕлтернине ăнланас тесен ăна хыçалтан малалла вулăр. Ку кăларăм ачасене вырăнти интереслĕ хыпарсемпе паллаштарать./ Арçын ачасем Шупашкарти 4-мĕш лицейре, 5-мĕш класра вĕренеççĕ. Чылай тантăшĕшĕн вĕсем çăлтăр евĕр çуталнăн туйăнаççĕ, анчах Данилăпа Никита «çăлтăрланма» пĕлмеççĕ те иккен, вĕренÿрен тарса çÿреме те хăнăхман. Яваплăх туйăмĕ питĕ çирĕп вĕсен. Уроксем вĕçленнĕ хыççăн тĕл пулса калаçсан çакна тата лайăхрах ăнлантăм.
«ЧĂВАШ ХАЛĂХ ПОЭЧĔ П.П.ХУСАНКАЙ – 110 ÇУЛ!»Тĕнче литературинче сумлă ят хăварнă чăваш халăх поэчĕ Петр Петрович Хусанкай çуралнăранпа 2017 çулхи кăрлач уйăхĕн 22-мĕшĕнче çĕр вунă çул çитет. Сумлă çыравçа, унăн сăввисемпе поэмисене пĕлмен, вуламан чăваш çук та пулĕ. «Аптраман тавраш» сăвăлла роман, «Магнит ту», «Таня» тата «Тăван çĕршыв» поэмăсем, «Хура пĕркенчĕк», «Кăнтăр сăввисем», «Тилли юррисем», «Инçе вĕçев» сăвă ярăмĕсем чăваш литературин пуянлăхĕ, халăх кăмăлласа вулакан хайлавсем пулса тăчĕç. Хусанкай çырнисенче чăваш çĕр-шывĕпе унăн çыннисен кун-çулĕ, пурнăç таппи, халăх кăмăлĕ яр уççăн курăнать. Поэтăн кашни хайлавĕнче наци хăйне евĕрлĕхĕ, чăвашлăх палăрать, кашни сăвви ăшă туйăм çуратать, чун-чĕрене тыткăна илет.
Тăватă ачаллă çемьере çитĕннĕ Вера мĕн пĕчĕкрен ал ĕçне юратнă. Пушă вăхăтра пĕр касра пурăнакан хĕрачасемпе çÿлĕк тулли тетте çĕленĕ. Упа, кашкăр, тилĕ, чăххи-чĕппи, хур-кăвакалĕ, ĕне-пăрушĕ пÿрт-çурта илемлĕх парнеленĕ. Каярах пуканесем те тенкел çине шăкăрин тухса ларнă. Çапла пĕтĕм чун-хавалĕпе кашни кун çав теттесемпе калаçнă, вылянă Вера. Кĕçĕн класра чухне Толик шăллĕне савăнтарас тенĕ. Ăна вăл майкăсемпе футболкăсем çĕлесе панă. Ашшĕ лавккаран туянса килнĕ пусмана никамран ыйтмасăр касни те пулнă.
Итали çыравçи тата философĕ Умберто Эко хăйĕн мăнукне валли питĕ тарăн шухăшлă çыру хатĕрленĕ. Вăл «Хаклă мăнукăм, пăхмасăр вĕрен» ятлă. Унăн тĕп шухăшĕ — эпир япăх астăвăмпа асапланни, ăна аталантарас вырăнне Гуглпа, гаджетпа, тĕрлĕрен веб-сервиспа усă курса ăс-тăна «кахаллантарни». Хамăрăн пурнăçран инçе курмастпăр, иртнĕ ăрусен пĕлĕвне хакламастпăр. Çак çырăва лайăх вуласа тухăр, хăвăр астăвăмпа мĕн те пулин тумаллине йышăнăр. Ку — çăлăну ыйтăвĕ!
Хуплашкан 1-мĕш страницине А. Плехановăн "Капкăн çапни ырă тутăр" ӳкерчĕкĕ илем кӳрет. Кăларăмра çивĕч материалсем вырăн тупнă: "Рультытавçă философийĕ", "Чăвашла калаçар", "Туй, туй, туй тесен ахтур ăçта каймалла/" тата ыттисем те.
Галина Зотовăн "Эпир ача чухне çапла ăмăртнă" калавĕ вулакан кăмăлне каясса шанатпăр.
"Çӳпçипе хупăлчи", "Шăпăрлансем-шăхличсем", "Ан та кала", "Халап хыççăн халап" тата ытти ярăмсенче сире интереслĕ материалсем кĕтеççĕ.
Çавăн пекех кунта кроссворд тата илемлĕ ӳкерчĕксем пур.
СУРСКИЙ РУБЕЖСКИЙ
Чăвашла верси
Русская версия
