Архив - 7 Апр, 2016 - Хыпар

Ĕмĕтлисем — çунатлă

Ачасене - чĕрĕ юмах

Чăваш хĕрачи — «Голос. Дети» проектра

Çу уйăхĕнче — «Артека»!

«Тетте» тусĕсем

Урхамах туянса парсан-и?

Артист мар пулсан та …

Чыса Мускавра хÿтĕленĕ

«Илем» ишевçисем — чи пултаруллисем

Ырă пуçару

Каç пуларахпа, хĕвел анас чухне, кăнтăртан кăваккăн-шуррăн курăнса катрамланнă хура пĕлĕтсем тухрĕç. Çакна пула Коля юлташĕсем патне кайма шухăшламарĕ. Пахчари сĕтел хушшине кĕрсе ларчĕ. Таçталла васкакан пĕлĕтсене сăнама тытăнчĕ.

Юмах чăннипех те чĕрĕлнине Шупашкарти Наци библиотекине килнĕ ачасем хăйсем курса ĕненчĕç. И.Я.Яковлев ячĕллĕ Чăваш патшалăх педагогика университечĕн аслă преподавателĕ Анастасия Федотова ятарлă проект-не пурнăçа кĕртес тĕллевпе çакăнта «Театр сехечĕ» вăйăпа кану программи йĕркеленĕ.

Нарăс уйăхĕнче Пĕрремĕш каналти «Голос. Дети» паллă проектăн виççĕмĕш сезонĕнче пирĕн ентеш те пултарулăхĕпе палăрчĕ. Çĕрпÿре çуралса ÿснĕ, çиччĕмĕш класра вĕренекен Майя Егорова тахçанах унта лекме ĕмĕтленнĕ-мĕн. Виççĕмĕш хутĕнче тинех унăн тĕллевĕ пурнăçланнă.

Класĕнче кăна мар, шкулĕпе те чи çÿлли вăл — Кристина Долгова. Сăпайлăскер, вĕренÿре «5» паллăпа çеç ĕлкĕрсе пыраканскер, спорта чун-чĕререн юратаканскер.

Улатăр районĕнчи Кивĕ Эйпеç шкулĕн иккĕмĕш класĕнче вĕренекен Вероника Маркелова паян класа пуринчен те малтан çитрĕ. Кĕнекипе тетрадьне, ручкине парта çине кăларса хучĕ. Унтан юратнă «Тетте» журналне алла тытрĕ. Акă алăк уçăлчĕ те Игорь Казанцев кĕрсе тăчĕ. Хĕрачана курсан йăл кулчĕ.

Акуня кинемей хапха умне тухса тăчĕ. Çил çук. Çурт тăрринче, карниссем çинче, хура пуçлă, шурăрах пĕсехеллĕ çерçисем чĕвĕлтетеççĕ. Çуркунне çитнишĕн хавасланаççĕ ахăртнех. Вĕсем пĕвесем çырантан тухса сарăласса, пĕрремĕш вăйлă çумăр çăвасса, малтанхи аслати кĕрлессе хыпарлаççĕ-тĕр.

Ялсенче Культура çурчĕсем пурри мĕн тери аван! Унтан та ытларах — вĕсем ячĕшĕн кăна ĕçлеменни. Тĕрлĕ кружок халăха йышăнать кунта. Шăмалакри вулавăшпа Культура çуртĕнче вăй хуракансем ял-йыша тунсăхлама памаççĕ. Халăх кружоксене çÿресе пултарулăхне ыттисене кăтартать.

Çут çанталăка сыхлас, шкул ачисене пĕчĕкрен ăна упрама вĕрентес тĕллевпе республикăра та, Раççейре те тĕрлĕ конкурс ирттереççĕ.

Ишес енĕпе Раççейре мала тухассишĕн тата Пĕтĕм Раççейри «Савăнăçлă дельфин» тупăшусене хутшăнма чи пултаруллă спортсменсене тупса палăртас тĕллевпе Çĕнĕ Шупашкарта ăмăртусем иртнĕ. Вĕсене 300 яхăн спортсмен хутшăннă.