Архив - Сен 2015 - Хыпар

сентября 30th

30 Сен, 2015

«Сокол» аслă лигăна «такăрлать»

Мордва Республикин тĕп хулинче Саранскра хоккей вăййисен 2015-2016 çулсенчи хĕллехи сезонĕ уçăлчĕ: Аслă лигăн ăмăртăвĕсем старт илчĕç. Йăлана кĕнĕ турнира кăçал 9 команда хутшăнать. Хăйсен регионĕн чысне «Алтай» /Барнаул/, «Кристалл-Юниор» /Саратов/, «Мордовия» /Саранск/, «Ростов» /Дон çинчи Ростов/, «Славутич» /Смоленск/, «Тамбовпа» «ЦСК ВВС» /Самар/, «Юниор-Спутник» /Анат Тагил/ командăсем хÿтĕлеççĕ. Çак ăмăрту аренине пĕрремĕш хут Чăваш Ен хоккеисчĕсем - Çĕнĕ Шупашкарти «Сокол» - тухрĕç.

30 Сен, 2015

«Шупашкар-Арена» - спортпа туслисен тĕп килĕ

Пăр керменĕ пурне те коньки çине тăма чĕнет

Чăваш Ен тĕп хулинче çĕнĕ спорт объекчĕ - «Шупашкар-Арена» Пăр керменĕ - хута кайнăранпа нумаях та вăхăт иртмерĕ. Кăçалхи июнĕн 3-мĕшĕнче çав ятпа иртнĕ чаплă уяв халĕ те Шупашкарсемпе хăнасен асĕнчех пулĕ. Çав кунран пуçларĕ те хăйĕн кунçулне кермен. Мĕнлерех ĕçлесе пырать-ха паянхи кун спорт çурчĕ?

30 Сен, 2015

Киремет кĕнеки. Николай ИШЕНТЕЙ

Памфлет

Вырăс, тутар тата чăваш - виççĕн пĕрле ăнăçу шыраса тĕнче тăрăх çÿренĕ тет. Çÿресен-çÿресен виççĕшĕ те çав тери ывăнса çитнĕ. Каç та пулнă. Çул хĕрринчи çăка пÿрте çĕр каçма кĕнĕ хайхисем.

Çĕрле текам алăкран шакканипе пурте шарт сиксе вăраннă.

сентября 29th

29 Сен, 2015

«Хыпар» 190-191 (26842-26843) №№. 29.09.2015

29 Сен, 2015

Сĕт - сывă апатлану культурине йĕркелет

ФОТРЕПОРТАЖ

Сентябрĕн 26-мĕшĕнче Чăваш Ен Пуçлăхĕ Михаил Игнатьев тĕп хулари «Шупашкар-Арена» Пăр керменте ирнĕ Сĕт фестивальне савăнăçлă лару-тăрура уçма хутшăнчĕ. Унта çавăн пекех РФ Федераци Канашĕн членĕ Вадим Николаев, ЧР ялхуçалăх министрĕн тивĕçĕсене пурнăçлакан Сергей Павлов, Патшалăх Канашĕн комитечĕн председателĕ, Чăваш Енри сĕт союзĕн председателĕ Николай Малов, республика парламенчĕн вице-спикерĕ, комитет председателĕ Олег Мешков, Сĕт туса илекенсен наци союзĕн правленийĕн председателĕ Андрей Даниленко тата ыттисем пулчĕç.

29 Сен, 2015

Çĕмĕрлесем хĕле хатĕр мар

Вырăнти влаç органĕсене кулленхи çивĕч ыйтусене татса пама пулăштăр тесе çĕршывра 2011 çулхи май уйăхĕнче «Пĕтĕм Раççейри халăх фрончĕ» /ПРХФ/ общество пĕрлешĕвĕ йĕркеленĕ. Регионсенче унăн уйрăмĕсем ĕçлеççĕ. Вăл Чăваш Енре те пур.

Уйрăмăн хастарĕсем корруп­ципе тата тирпейсĕрлĕхпе кĕ­решеççĕ, Раççей Президенчĕн 2012 çулхи майăн 7-мĕшĕнчи указĕсем епле пурнăçланнине тĕрĕслеççĕ.

29 Сен, 2015

Чурашкăн сиплĕ шывĕ - пурин валли те

Кĕрхилле мар хĕвеллĕ çанталăк Çĕрпÿ районĕнчи Старак ялĕн çыннисемшĕн иртнĕ кĕçнерникун пушшех ăшă пулчĕ тейĕттĕм. Кунта çăлкуçа савăнăçлă лару-тăрура уçрĕç. Кĕлĕ, чăваш эстрада юрăçисен чуна тыткăнлакан юррисем, çÿлелле вĕçтерсе янă шурă кăвакарчăнсем - чăн-чăн уяв.

29 Сен, 2015

Наци кросĕ туслăха çирĕплетет

ФОТОРЕПОРТАЖ

Вырсарникун Шупашкарти залив хĕррине иртенпе халăх пуçтарăна пуçларĕ. «Мĕн уявĕ вара паян?» - кăсăкланчĕç кунта уçăлса çÿрекенсем. «Наци кросĕ!» - пулчĕ хурав. Чăн та, туя васканă пекех юрă-кĕвĕ лапамне халăх утрĕ те утрĕ. Спорт уявĕ вуншар-вуншар çынна - ватти-вĕттине, ашшĕ-амăшĕпе вĕсен пепкисене, тĕрлĕ предприяти-организаци ĕçченĕсене, шкул ачисемпе студентсене, çамрăк спортсменсемпе сывă пурнăç йĕркин хастарĕсене - хулари чи илемлĕ вырăна йыхравларĕ.

Страницы