Архив - 11 Мар, 2015 - Хыпар

Халăх вулама пăрахса пынине чылай сăнавçă хальхи вăхăтăн тĕп тата пăшăрханмалли палăрăмĕ тесе шутлать. Нумаях пулмасть кăна-ха вара пирĕн çĕршыва тивĕçлипех «чи нумай вулаканни» тетчĕç. Кĕнеке вулакан наци çеç илемлĕх пахалăхĕсене тата ытти хаклăхсене тĕнче шайĕнче тума пултарать. Вулассипе çыхăннă çивĕч ыйту Раççейри халăхсен чĕлхисене сыхласа хăварассипе тачă çыхăннă. Литература - темиçе ĕмĕр пухнă культура пуянлăхĕ - хальхи тата пулас ăрусен ăс-хакăл аталанăвĕн тĕп никĕсĕсенчен пĕри. Шăпах ачасем вуламанни паян хытă пăшăрхантарать.

Мартăн 7-мĕшĕнче Чăваш Ен Пуçлăхĕ Михаил Игнатьев Елчĕк, Комсомольски, Канаш районĕсенче пулнă, вырăнсенчи депутатсемпе, ял тăрăхĕсен пуçлăхĕсемпе, районсенчи хисеплĕ çынсемпе курнăçнă.

Тутарстанăн халь "çĕнĕ сăн-сăпачĕ" пур, ку вăл пĕтĕм тĕнчене республикăпа паллаштаракан бренд, е урăхларах каласан - пичет. Çак брендăн ячĕ - "Тутарстан эткерлĕхĕ". Кăсăклантарать-и? "Комсомольская правда" пĕтĕмпех пĕлет, хăй пĕлнипе сире те паллаштарма хатĕр:

Туртара - ик шухă ăйăр,

- Мăнукăм шăнкăравласа сехрене хăпартрĕ, - паян та сасси чĕтренсе тухать Валентина Ивановнăн. - Лавккана тухнă та çул çинче такампа тытăçса кайнă, ăна чышса янă, лешĕ ÿксе йывăр суранланнă иккен. «Следователĕ йĕркеллĕ, калаçсан айăпласран хăтăлса юлма пулать. Телефона ăна парам-ха...» - терĕ. Хăйĕнпе Власов следователь тесе паллаштарнăскер йывăр суранланнăскерĕн тăванĕсемпе калаçнă-мĕн - вĕсем çураçма хирĕç мар. Анчах çынна сиплеме укçа тÿлемелле - «эсир пулăшма хатĕр-и? Унсăрăн мăнукăр 8 çуллăхах ирĕклĕхсĕр юлма пултарать». Хăй манăн мăнук ятне те пĕлет вĕт-ха...

Çĕнĕ Шупашкарти "Химпромри" инкек - 1974 çулхи апрелĕн 27-мĕшĕнчи пушар - çинчен темиçе çул каялла çеç калаçма пуçларĕç. Вăхăтĕнче юраман, чарнă: пулса иртни вăрттăнлăх шутланнă. Пушара сÿнтерме хутшăнакансене "сăмах сарма юраманни" çинчен асăрхаттарса алă пустарнă. 1-мĕш тата 2-мĕш пушар чаçĕсен регистраци кĕнекинчен "хими заводне вут-кăвар сÿнтерме кайни" пирки çырнă йĕркесене "туртса хунă". Пушарпа кĕрешекенсен медицина карттисен страницисем те "çухалнă".

Хисеплĕ редакци!

Турă праçникĕсем хăшĕ хăçан килессе пичетлесе кăларма ыйтатпăр. Мăнкун кăçал хăçан пулать? Типĕ вăхăчĕсене, вилнисене асăнмалли кунсене те кăтартсамăр. Çакна пичетлесе кăларсан пĕтĕм чăваш çынни савăнĕччĕ.

С.ИВАНОВ.

Елчĕк районĕ, Таяпа Энтри ялĕ.

Илия Карлинов протоиерейпа Аслă типĕри каçхи кĕлĕ пуçланас умĕн тĕл пулса калаçни

Балтика тăрăхĕнчи пĕрремĕш фронтăн 332-мĕш штурмлакан авиаци дивизийĕн 593-мĕш полкĕн летчикĕсене Николай Будаковпа Александр Ефименкăна сума суса Комсомольски районĕнчи Александровка ялĕнче тимĕр конструкци çине «МИГ-17» самолет вырнаçтарнă. Будаков унпа, 1970 çулсенче заводран тухнăскерпе, вĕçме пултарайман. Кунтах - Совет Союзĕн Геройĕн Константин Антоновăн тата Иван Смирнов легендарлă пулеметчикăн бюсчĕсем.

Сывă çыншăн манăн нуша вак-тĕвек пек кăна туйăнĕ. Эпĕ вара - I-мĕш ушкăн инваличĕ, кÿмепе кăна çÿретĕп. Хамăн нуша пирки çырса пĕлтерес терĕм. Тен, хамăн чун ыратăвне хаçат урлă пĕлтерни яваплă çынсен кăмăлне çемçетме пулăшĕ?

Ялпа хула тăрăхĕсен пуçлăхĕсем январь-мартра халăха пухса администрацин пĕлтĕрхи ĕç-хĕлне пĕтĕмлетеççĕ. Пурнăçа лайăхлатни-çăмăллатнине аса илеççĕ. Комсомольски районĕнчи Александровка ял тăрăхĕн пуçлăхĕ Любовь Полякова мартăн 12-13-мĕшĕсенче отчет тăвать.