Комментировать

Çĕнĕ Шупашкарти "Химпромри" инкек - 1974 çулхи апрелĕн 27-мĕшĕнчи пушар - çинчен темиçе çул каялла çеç калаçма пуçларĕç. Вăхăтĕнче юраман, чарнă: пулса иртни вăрттăнлăх шутланнă. Пушара сÿнтерме хутшăнакансене "сăмах сарма юраманни" çинчен асăрхаттарса алă пустарнă. 1-мĕш тата 2-мĕш пушар чаçĕсен регистраци кĕнекинчен "хими заводне вут-кăвар сÿнтерме кайни" пирки çырнă йĕркесене "туртса хунă". Пушарпа кĕрешекенсен медицина карттисен страницисем те "çухалнă".

Телее, ун чухне пакăлчак таран "хими продуктĕнче" ишнĕ пушарнăйсенчен пĕри те вилмен. Каярахпа вилме пуçланă. Вĕсенчен чылайăшĕн пурнăçĕ çав çулах виçĕ-тăватă уйăхран е темиçе çул иртсен татăлнă. Чи малтан Николай Моисеевăн куçĕсем хупăннă, унтан - Александр Егоровăн. Борис Моденов 36, Константин Михайлов 35-ре, Евгений Романов 49 çулта çĕре кĕнĕ. Владимир Захаров 60 çула пурăнса çитеймен. 58-ти Юрий Николаев пилĕк çул асапланнă хыççăн çут тĕнчепе сывпуллашнă. Вĕсен вилĕмĕ наркăмăш лекнипе çыхăннă-ши? Татса калаймăн. Анчах чĕрĕ юлнисен шухăшĕпе - тĕп сăлтав шăпах çакă пулса тăрать те.

Хальхи вăхăтра вĕсенчен виççĕшĕ кăна пурăнаççĕ. Евстафий Арсентьевпа нумаях пулмасть тĕл пулса калаçнăччĕ. Лев Николаевпа Валентин Ефимов пире хăйсен ĕç вырăнĕнче кĕтсе илчĕç. Паттăр арçынсем тивĕçлĕ канăва тухсан килте ларас темен, урăх ĕçе кÿлĕннĕ. Малалла вулас...