Архив - 13 Мар, 2015 - Хыпар

13 Мар, 2015

Куллен сунтал юрлать тимĕрçĕ лаççинче

Ялхуçалăх ĕçченĕсем çура­кине хатĕрленеççĕ, хуларан çунтармалли-сĕрмелли, минерал удобренийĕ, хими имçамĕ, вăрлăх, çĕнĕ техника, саппас пайсем турттараççĕ. Тăкака саплаштарма ытларахăшĕ банкран кредит илет.

13 Мар, 2015

Трак ен юбилейре савăнчĕ, ĕç пирки те манмарĕ

Халăх каларăшĕнче «Кам тăрăшать, палăртнă çĕре тĕллевлĕ утать - ăна Турă та хăват парсах тăрать» текен ăнлав пур. Çак хăвата Трак тăрăхĕнче пурăнакан халăх та чăннипех тивĕçнĕ. Мĕншĕн тесен кунти çынсем производствăра та кăтартусене ÿстерсех пыраççĕ, вăтам предпринимательлĕхре те май килтереççĕ, вĕренÿре те, культурăра та - районти мĕнпур сферăпа отрасльте тăрăшулăхпа палăраççĕ, пĕрле вăй хурса хăйсен тăван тăрăхĕн хăватне, унăн чыс-сумне ÿстереççĕ. Районти промышленность предприятийĕсем пĕлтĕр 547,4 млн тенкĕлĕх продукци, малтанхи çул кăтартăвĕнчен 2,6 хут ытларах, туса кăларнă.

13 Мар, 2015

Ӳсĕмлĕ гектарсем, тоннăсем тата тенкĕсем

Эльвира МАКСИМОВА, Федерацин патшалăх статистика службин Чăваш Республикинчи территори органĕн ертӳçи: Патшалăхăн статистика органĕ пулнă май эпир мĕнпур кăтартăва тишкерсе экономика аталанăвĕн, социаллă сферăн информаци ресурсне йĕркелетпĕр. Манăн шухăшпа, паян çĕршывра тухса тăнă условисенче экономика кăтартăвĕсем, социаллă яваплăх политики республика Правительствин, влаçăн мĕнпур юппин, вырăнти хăйтытăмлăх органĕсен пĕтĕм команди алла-аллăн ĕçлени çинче никĕсленет.

13 Мар, 2015

«Рассвет» халăхĕ кăвак çутăллах ура çинче

Редакцие çыру килчĕ. Ăна улăштармасăр пичетлетпĕр:

«Район, республика шайĕнче малта пынă хуçалăх çурăк валашка умĕнче тăрса юлчĕ. Сăмах - Комсомольски районĕнчи «Заря» ЯХПК çинчен. Вăл 20 çул каялла саланчĕ. Председатель пуканне кăмăллакансем 3 хуçалăх туса хучĕç: «Заря», «Пайгас» тата «Рассвет».

«Пайгас» ЯХПК тилхепине малтан тĕп инженерта ĕçленĕ Владимир Митрофанович Перьев тытрĕ, «Рассвета» тĕп агроном пулнă Михаил Романович Афанасьев ертсе пычĕ, «Заря» пуçне Николай Васильевич Прокопьев тăчĕ.

13 Мар, 2015

Вăкăра та итлеттернĕ, «хурçă ута» та çăварлăхланă

Петр Иванович кăçал çулла 79 тултарать. Ĕмĕрĕпех колхозра тракторпа ĕçлесе пенсие тухнă. Хисеп хучĕсем, медальсем темĕн чухлех унăн. Ĕç стажĕ - 59 çул. Трактор çинчен анса курман.

- Маттур вăл пирĕн, анчах юлашки вăхăтра сывлăхĕ пăшăрхантарать-ха, - çапла паллаштарчĕ мана Патăрьел районĕнчи Сăкăт ялĕнче пурăнакан Петр Широкинпа унăн ывăлĕ Алексей.

- Петр Иванович, вăрçă çулĕсенче Эсир питĕ пĕчĕк пулнă та астăватăр-и çав вăхăта?

13 Мар, 2015

Надежда КИРИЛЛОВА: «Ăнтăлăва йĕплĕ пралуксем пăчăртарĕç»

Чăваш театрĕсенчи пурнăç çинчен артистсемпе режиссерсем хăйсем çырнă кĕнекесем нумай мар. Тани Юн, Зоя Ярдыкова, Геннадий Терентьев асаилнисене тата колхоз театрĕсем çинчен кăларнă кĕнекесене вуланăччĕ. Паллах, И.С.Максимов-Кошкинский, П.Н.Осипов, Г.В.Тал-Мăрса, М.Ф.

13 Мар, 2015

Çын парăмĕшĕн явап тыттарчĕç

Иртнĕ çулхи август уйăхĕн 21-мĕшĕнче 60 çул тултарса тивĕçлĕ канăва тухрăм. Пĕрремĕш пенсие - 8652 тенкĕ те 59 пуса - октябрь уйăхĕнче илтĕм. Пенси фончĕн Канаш хулинчи управленине çитсе уйăхри тÿлев суммипе кăсăклантăм.

"Суд приставĕсен йышăнăвĕпе санăн пенси укçин çуррине парăма саплаштармашкăн тытса юлаççĕ", - терĕç унти специалистсем.