Архив - 11 Мар, 2015 - Хыпар

Тăван çĕршывăн Аслă вăрçи вăхăтĕнче Ленинград хули еплерех шар курни çинчен историн нумай страници каласа кăтартать. Мĕн тÿснĕ çав хаяр çулсенче Нева тăрăхĕнчи блокадăна лекнĕ çынсем? Çакăн çинчен илтни тăрăх мар, хăйсен куçĕпе курнисем пирĕн тăрăхра та пур. Çав йывăр тапхăрта Ленинград хутлăхĕнчен Чăваш Ене эвакуаципе 7 пин ытла çын килнĕ. Вăл шутра - тăватă Ача çурчĕн пепкисем. Пурĕ - 380-ăн.

Ыйтăвăн хуравне кирек кам та пĕлет-ха, анчах аслисен тимсĕрлĕхне пулах çул çитменнисем тĕрлĕ майпа шар курасси темшĕн чакмасть. Пачах тепĕр май - кун пек инкексен шучĕ юлашки вăхăтра нумайланни те сисĕнет. Сăлтавĕсем вара тĕрлĕрен: çул çинчи транспорт аварийĕсенчен пуçласа ача вăйăра аманни таранах. Эппин, асăннă пулăм профилактики çинчен пирĕнех, аслисен, калаçмалла. Антуан де Сент-Экзюпери каланин чăнлăхĕ ĕмĕрсен улшăнăвне пăхăнмасть: "Эпир алла вĕрентнĕ чунсемшĕн хамăрах яваплă".

Йăлана çирĕп кĕнĕ йĕркепе Мурманскри чăвашсен "Чăвашсен хутлăхĕ" культура обществин членĕсем Тăван çĕршыв хÿтĕлевçин кунĕнче кашни çулах Хĕрлĕ Ялавлă Çурçĕр флочĕн çар карапĕсем çинче хăнара пулаççĕ. Хальхинче вĕсене Нахимов орденĕллĕ мухтавлă "Петр Великий" крейсер экипажĕ хапăл тунă.

Шупашкарти Владимирпа Наталья Германовсем 1994 çулта çуралнă ывăлне Алексей ят хурса пулас хÿтĕлевçĕ тесе савăннă ахăртнех. Анчах ят пĕлтерĕшĕ чăнлăха çаврăнасса шухăшлама пултарнă-и-ха: паян вĕсен чун тĕпренчĕкĕ Çĕршывпа республика чысне сумлă ăмăртусенче хÿтĕлесе тĕнчери чи лайăх спортсменсен йышне кĕнĕ.

Алексей Германов, хулари 23-мĕш вăтам шкултан вĕренсе тухнăскер, ача чухне хăйĕн пурнăçне спортпа çыхăнтарас темен. 9 çулта аэробика секцине çÿреме пуçласан унăн шухăш-тĕллевĕ улшăннă.

Елена Юркина Чăваш патшалăх университечĕн медицина факультетĕнчен вунă çул каялла вĕренсе тухнă. Унтанпа сывлăх сыхлавĕнче пуян опыт пухнă. Елена Николаевна - республикăн юн илекен станцийĕнчи клиника лаборатори диагностикин тухтăрĕ, уйрăм заведующийĕ.

Гриппа чирлесе ирттернĕ хыççăн чылайăшĕ вăй-хал, аппетит, ĕçлес хавал чакнипе аптрать. Ку иммун тытăмĕ инфекципе кĕрешсе вăйсăрланса юлнинчен килет. Чир хыççăн лайăхрах ура çине тăма çак рецептсем пулăшаççĕ. Вĕсенчен хăвăра юрăхлисене суйласа илме пултаратăр. Сиплев курсĕ 2 эрне пулмалла.

Юн пусăмĕ ÿсни /гипертони/ аптратсан мĕн тумалла -ха? З. Пащенко терапевт çапла сĕнет.

Ытлашши виçе

Тулли кĕлеткеллĕ çынсем гипертонипе йĕркеллĕ виçеллĕ çынсенчен 3-4 хут тăтăшрах аптраççĕ. Начарланни юн пусăмне чакарма, чылай чухне йĕркене кĕртме пулăшать. Çавăнпа гипертонипе кĕрешмелли малтанхи утăм - сахал калориллĕ диетăпа хускану. Тăвар кунне пĕр чĕптĕмрен ытла кирлĕ мар. Килте юн пусăмне виçмелли лайăх тонометр пулмаллах. Хăвăра лайăх туйсан та кунне икĕ хут - ирхине тата каçхине - юн пусăмне виçмелле.

Варикоз чирĕ - венăсен клапанĕсен çитменлĕхне тата юн куçасси пăсăлнине пула уран çиелти венисем сарăлни. Ĕçлев ÿсĕмĕнчи çынсем хушшинче çак чир юн тымарĕсен чи анлă сарăлнă патологийĕ шутланать.

Чир мĕнле сăлтавсене пула аталанать?