Владимир Якунина пирĕн предприятисем килĕшнĕ. IX регион конференцийĕ иртрĕ.
Пур - пĕрле, çук - çурмалла... Экономикăри йывăрлăхсене тÿссе ирттермелли тĕп çул-йĕре палăртнă.
Ростислав Тимофеев: уласлăхăмăр çĕнĕ тĕссемпе çуталтăр
Шадриха пепкине качча париччен пурăнмаллах. Раççей тава тивĕçлĕ, Чăваш халăх художникне Николай Карачарскова 80 çул
РФ Правительствин йышăнăвĕпе экономикăри йывăрлăхсене тÿссе ирттермелли тĕп çул-йĕре палăртнă, регионсене план туса хатĕрлеме хушнă. Вырăнти улшăнăва Мускав куçран вĕçертмест, тĕрĕслесех тăрать. Хальхинче Шупашкара федерацин Ĕçлев тата ĕçпе тивĕçтерекен службин ертÿçин заместителĕ Максим Паршин килсе çитни те çавна çирĕплетет.
Пĕлтĕрхи ĕç-хĕле тишкерсе пĕтĕмлетесси, çĕнĕ тĕллевсем палăртасси заводсемпе предприятисенче, район-хула администрацийĕсенче кăçал нихçанхинчен те анлăрах, тĕплĕнрех иртеççĕ. Ахальтен мар: сăлтавсем, халиччен пулманнисем, халăхăмăр çине йăтăнса ансах тăчĕç вĕт. Çутçанталăк синкерĕ - пăрлă çумăр - шарт сиктерчĕ, республикăри вуншар яла пысăк тăкак кÿчĕ. АПШпа Европапĕрлĕхĕн санкцийĕсем экономикăна тухăçлăрах аталантарма чăрмантараççĕ, халĕ те ура хураççĕ. Çавна май ĕçĕмĕрсене çĕнĕлле йĕркелеме хистеççĕ. Лайăхрах тумитлесен хистевсĕрех çаврăнăçуллă, пуçаруллă пулмалла пирĕн.
Çил хĕрача аллинчи тĕрлĕ тĕслĕ хăмпăсене туртса илет те вĕсем вĕçсе кайнă май трансформатор подстанцийĕн провочĕсенчен çакланаççĕ. Хĕр пĕрчи макăрманни кăна. Юлташĕ ăна пулăшма васкать. «Самантрах илсе анса паратăп!» - тет арçын ача. Хĕрача аслисене чĕнме сĕннине те хăлхана чикмест: «Эп хамах!» Проводсем патне хăпарать...
Пĕлтĕрхи октябрьте ир еннелле Шупашкарти Ермолаев урамĕнчи лавккаран преступниксем хаклă йышши 23 кĕрĕк вăрланă. Чăн-чăн профессионалсем ĕçлени куçкĕрет: хупă лавккана кĕрсе таварăн пысăк партине илсе тухмашкăн вĕсене 2 минута яхăн кăна кирлĕ пулнă. Хурал тĕлĕрмен, сигнализаци ĕçлесе кайнă хыççăн часах çитнĕ. Анчах вăрăсем тарса çухалма та ĕлкĕрнĕ. Преступниксем хăйсене тупаймĕç тенĕ пуль те - вĕсене хирĕç те профессионалсемех ĕçлеççĕ: çак кунсенче ЧР Шалти ĕçсен министерствин уголовлă шырав управленийĕн ĕçченĕсем чăрсăр преступление уçса пани çинчен евитлерĕç.
Раççей тава тивĕçлĕ, Чăваш халăх художникĕпе Николай Карачарсковпа унăн 80 çулхи юбилейĕ умĕн тĕлпулсан чăтаймарăм - çапла ыйтрăм, «Ытла та правур, лара-тăра пĕлместĕр, хăвăр çак çула çитнине туятăр-и?» «Курава хатĕрленнĕ май канлĕхе çухатрăм, картинăсене вырăнтан вырăна куçарса çÿреме тивет, çакă канăçсăрлантарать, ытти енĕпе - йĕркеллех, чун яланах çамрăк вăл», - пулчĕ хурав.
Тăван тăрăха килмессеренех эпĕ пушă вăхăт тупса Элĕкри литературăпа таврапĕлÿ музейне кĕрсе тухатăпах. Вăл, вуншар çул каялла йĕркеленнĕскер, тĕрлĕ экспонатпа пуянланса та çĕнелсех пырать. Ку тăрăхран республикипех паллă çынсем сахал мар тухнă. Вĕсем район чысне çĕклеççĕ, ыттисемшĕн ырă тĕслĕх шутланаççĕ. Кашни валлиех уйрăм кĕтес уйăрнă музейре. Эпĕ Хитекушкăнь ялĕнчи Марковсен çемйине халалланă ятарлă стенд умĕнче чарăнатăп.
Тахçан вуланă «Кашни вăхăтăн-тапхăрăн хăйĕн паттăрĕсем, кăмăл-сипечĕ пур» ăслай ялан аса килет. Вăл çаплах пулĕ-ха, анчах тăнăç çĕр çинче, янкăр кăвак тÿпере сарă хĕвел ярăннă вăхăтра Раççей чиккисенче е хĕрÿ ытти вырăнта 19-22 çулти çамрăксем кăра та шелсĕр тăшманпа çапăçса пуç хунине, кирек мĕн калăр та, ăспа хакласа чунпа йышăнма питĕ йывăр. Тăшманĕ - пĕтĕм тĕнчери террор ушкăнĕсемпе укçашăн пуç касма хатĕр, тăванне шеллемен Афганистан душманĕсем, Пакистан моджахечĕсем...
Чăваш Ене телекурав хыпарлавĕ миçемĕш çулсенче çитнĕ? Телевизорсем хăçан тĕспе кăтартма пуçланă?
П.ВАСИЛЬЕВ. Çĕмĕрле районĕ.
Чăваш Республикинчи телехыпарлав историйĕ 1961 çулхи сентябрĕн 5-мĕшĕнчен пуçланать. Ун чухне Шупашкарти телекурав студийĕ сăнав шайĕнче пĕрремĕш кăларăмне кăтартнă.
СУРСКИЙ РУБЕЖСКИЙ
Чăвашла верси
Русская версия
