Архив - 20 Фев, 2018

* Ай хуняма, хуняма!

* Ÿнер: Александр ФЕДОРОВ, художник, график

Манăн хуняçа çук, хуняма çеç. Но сато хуняма тăк хуняма!
Тĕлĕнетĕп, мĕншĕн çамрăк арçынсем хăйĕн юратнă арăмĕн амăшне хурлаççĕ? Эпĕ, унăн ырă кăмăллăхне хам курнăскер, ăна çĕклесе çÿреме хатĕр.
Арăмпа урлă сăмахсем калани пулкалать-ха хăш чух. Е ĕçрен юлса таврăнатăп-и, е урай çума манатăп – тем те тупăнать. Хунямапа вара – тьфу-тьфу-тьфу! ан куçăхтăрччĕ çеç – пĕр урлă сăмах та пулса курман.

Ленинград облаçĕнче тата Питĕр хулинче Чăваш Республикинче çуралса ÿснĕ çынсем 10 пине яхăн ĕçлесе пурăнаççĕ.

2018 çулхи нарăсăн 12-мĕшĕнче паллă проза ăсти, куçаруçă, Чăваш Республикин халăх поэчĕ Галкин Александр Алексеевич çуралнăранпа 90 çул çитрĕ.

Хваттерте шăнкăрав сасси илтĕнчĕ. Владик алăри кĕнекине айккинелле хучĕ те телефон патне утса пычĕ.
– Владик, эпĕ паян ĕçрен кая юлса таврăнăп, Алисăна ача садĕнчен кайса ил-ха, тархасшăн, – илтĕнчĕ амăшĕн сасси.
– Юрĕ, – тесе калама çеç ĕлкĕрчĕ арçын ача, тепĕр енче телефон кĕпçине хуни илтĕнчĕ. Владик вуласа пĕтереймен кĕнеке çине пăхса хаш! сывларĕ те тумланма тытăнчĕ.

Сергей Борисович ЕВДОКИМОВ 1948 çулта Тутар АССРĕнчи Кушниково ялĕнче çуралнă. Чăваш патшалăх педагогика институтне вĕренсе пĕтернĕ хыççăн Совет Çарĕн хĕсметĕнче тăнă. Шупашкарти 33-мĕш шкулта ачасене вĕрентнĕ. ВЛКСМ Чăваш обкомĕн инструкторĕ пулнă. Патшалăх хăрушсăрлăх органĕсенче 22 çул ĕçленĕ. Службăри тивĕçĕсене тÿрĕ кăмăлпа пурнăçланăшăн патшалăх наградисене тивĕçнĕ.

Анатолий Николаевич ФИЛИППОВ-ТАКАН 1952 çулхи авăн уйăхĕн 6-мĕшĕнче Çĕрпÿ районĕнчи Такана ялĕнче çуралнă. Ялти пуçламăш тата Чурачăкри вăтам шкулсенче вĕреннĕ. И.Н.Ульянов ячĕллĕ Чăваш патшалăх университечĕн филологи уйрăмĕнчен, 1979 çулта ВЛКСМ Тĕп комитечĕн аслă шкулĕнчен вĕренсе тухнă.

Çар ретĕнче В.И. Чапаев ячĕллĕ дивизире тăнă.

* Хăват чакса пырать-ши?

* Укçа шута юратать

* Çĕр улми çителĕклĕ-и?

Нарăс уйăхĕн 21-мĕшĕ — Пĕтĕм тĕнчери тăван чĕлхе кунĕ. Шăпах çак куна суйласа илесси мĕнпе çыхăннă-ха? 1952 çулта Пакистан полицийĕ бенгал чĕлхине хĕвел тухăç Пакистанра (1971 çултанпа Бангладеш) патшалăх чĕлхи туса хурас тĕлĕшпе халăха ура çине тăратнă темиçе студента персе вĕлернĕ.

Атăла та картать