Архив - Авг 2017

Август 24th

Чăваш халăх писателĕпе Георгий Васильевич Красновпа /сăн ÿкерчĕкре/ эпĕ 1992 çулта Чăваш Республикин чи паллă шкулĕнче, Шупашкар хулин Герман Лебедев ячĕллĕ Чăваш наци интернат лицейĕнче, паллашрăм. 1992-1993 вĕренÿ çулĕн пуçламăшĕнче ачасене вĕрентме лицея Георгий Краснов çыравçă килессине пĕлтерчĕç. Ку хыпар учительсене пурне те, уйрăмах пире, чăваш чĕлхипе литератури вĕрентекенсене, савăнтарчĕ. Ара, паллă проза ăстипе, фантастика хайлавĕсен авторĕпе пĕрле пĕр шкулта вĕрентĕве кÿлĕнетпĕр-çке!

— Анатолий Ильич, тÿрех калатăп, эсир сакăр вунна çитнĕ тенине ниепле те ĕненес килмест. Сăнран пăхсан та, утнине сăнасан та самай çамрăкрах пек. Ăс-тăнпа пул-тарулăх çинчен каламăпăр та, пĕтĕмпех куç умĕнче.

Раштав уйăхĕн 7-мĕшĕ Арменишĕн хурлăхлă кунпа асра юлнă. Çав кун унта, 29 çул каялла, çĕр чĕтреннине пула хуласемпе ялсем тĕпĕ-йĕрĕпе арканнă, 25 пин ытла çын пурнăçĕ татăлнă...

Çуртсем вырăнĕнче — кирпĕч купи

Патăрьел тăрăхĕнче çуралса ÿснĕ, халĕ аякри Мурманск хулинче контракт мелĕпе службăра тăракан Андрей Исаев кашни отпускрах тăван тăрăха килет. 18 çул тултарсан патшалăх ăна хваттерпе тивĕçтернĕ.

Тайваньте Пĕтĕм тĕнчери çуллахи Универсиада иртет. Чăваш Ен чысне унта виçĕ спортсмен хÿтĕлет: Владислав Поляшов, Евгения Шелгунова, Дарья Спиридонова.

Çурла уйăхĕн 21-мĕшĕнче хĕрарăмсен командисем спорт гимнастики енĕпе ăмăртнă. Раççейĕн пĕрлештернĕ команди унта пĕрремĕш вырăна тухнă. Çак йышра Чăваш Ен хĕрĕсем те — Евгения Шелгуновăпа Дарья Спиридонова — пулнă.

Етĕрне хулинче пурăнакансем куншăн питĕ савăннă. Çĕнĕ кинозал иртнĕ эрнере уçăлнă. Кăçал Етĕрне районĕ Кино фончĕн конкурсне хутшăнса 5 миллиона яхăн тенкĕ грант çĕнсе илнĕ, шăпах çав укçапа хута янă та ăна. Нухратпа кинопроектор, цифра тата сасă оборудованийĕсене, 3D фильм кăтартмалли киноэкран туяннă.

Шкул ачисемшĕн лайăх хыпар ку. Шупашкарти Гладков урамĕнчи шкул çĕнĕ вĕренÿ çулĕнче ачасене кĕтсе илмешкĕн хатĕр. Кун пирки хула администрацийĕнче иртнĕ планеркăра пĕлтернĕ.

Нумаях пулмасть Пĕтĕм Раççейри студентсен хушшинче иртнĕ «Культура тытăмĕнчи чи лайăх проект» конкурса пĕтĕмлетнĕ. Жюри 58 ĕçрен 6-шне кăна суйланă.

Страницы