Архив - Авг 2017

Çак самантра Максим Филиппов мăшăрĕпе Иринăпа Крымра туй хыççăнхи çул çÿревре чуп-чуп уйăхне ирттерет. Утă уйăхĕн 18-мĕшĕнче вĕсем хут уйăрттарчĕç. 30 çул — çемье çавăрма ир те мар, кая та мар. Çак утăма вăл мĕн пур яваплăха туйса пурнăçларĕ. «Авланиччен арçыннăн ура çине çирĕп тăмалла. Кайран ăçта пурăнмалла? Çемьене мĕнле тăрантармалла тата ытти ыйту ан чăрмантартăр», — тет Шупашкар районĕнчи Курак Чурачăкра çуралса ÿснĕ çамрăк бизнесмен.

Çапларах хыпар пĕлтерчĕ «Культура хуранĕн» шпионĕсенчен пĕри. Паллă юрăç хăйĕн жилетне аукциона тăратнă имĕш. Тупăшăва хутшăннисем нумаййăн пулнă. Анчах Света ятлă пикене никам та çитеймен.

Рубрикăсене Елена КУЗЬМИНА визажист, стилист ертсе пырать

Шăрăхра пите лайăх пăхмалла

Мускавра пулатăп-и, Питĕрте-и, Сочире-и е тата Хусанта-и — çул çÿреве тухма май тупăннăшăн савăнатăп. Мĕншĕн тесен инçе çула парăнтарса хуласемпе паллашни, унта пурăнакан халăхпа калаçни-хутшăнни, вырăнти музей-театр таврашне çитсе курни хамăрăн çак тĕнчери пĕлтерĕше ăнланса илме, çĕр çине мĕн тĕллевпе килнине туйма пулăшать.

Сăрт-туллă Кăркăсстанра…

18 çулти Егор Михайлов пĕчĕк чухне кукашшĕн калавĕсене итлеме юратнă. Çарта Китайпа Раççей чиккинче службăра тăнăскер интереслĕ историсем каласа панă. Егор тимлĕн итлесе ларнă та ĕмĕчĕсенче вĕçнĕ.

Тăван çĕршывăн Аслă вăрçин ветеранĕсем паян çав тери сахаллăн юлнă. Вăрнар районĕнчи Вăрманкас ял тăрăхĕнче те вĕсем иккĕн кăна. Вĕсенчен пĕринпе, Мăньял Хапăсра пурăнакан 95 çулти Елена Викторовăпа, тĕл пулса калаçма тÿр килчĕ.

Самолетсене сассинченех уйăрнă

Хастар хĕрарăмсем ял-йыша кичемленсе ларма памаççĕ

Питтукассинчи свалкăна мĕншĕн халĕ те рекультивацилемеççĕ?

Утă уйăхĕн 28-мĕшĕнче Шупашкар хула администрацине халăх йышлă пухăнчĕ. Сăлтавĕ те пĕлтерĕшлĕ. Алексей Ладыков тĕп хулан социаллă пурнăçпа экономика аталанăвĕн çур çулти кăтартăвĕсемпе паллаштарчĕ. Ку вара, паллă, чылайăшне кăсăклантарать.

Улатăр районĕнчи Кивĕ Эйпеçсем çурла уйăхĕн 2-мĕшĕнче сывлăш-десант çарĕнче пулнисен ячĕпе парк уçĕç, стела вырнаçтарĕç.

Çак ĕçе Кивĕ Эйпеç ял тăрăхĕн депутачĕн, пĕтĕмĕшле практика тухтăрĕн уйрăмĕн заведующийĕн Родион Казанцевăн пуçарăвĕпе йĕркеленĕ. Паянхи кун тĕлне кунта тимĕртен шăратса тунă картана, каçхи хунарсене вырнаçтарнă, тротуар плиткине сарнă. Вăл 20 тăваткал метр йышăнать. Ырă пуçарăва пурнăçа кĕртес тĕллевпе десантниксем субботник те йĕркеленĕ.

Ялти пĕр хуçалăхри хуралтăран кашкăрсем вĕçĕмсĕр уланăран халăхăн сехре хăпнă... Çĕмĕрле районĕнчи Тури Кăмаша çыннисем кун пирки пĕлтернĕ хыççăн полицин участок уполномоченнăйĕ тĕрĕслев ирттернĕ те — виçĕ кашамана тупнă.