Архив - Авг 2017

Август 4th

4 Авг, 2017

Тикашсен шкулне хупĕç-ши?

Вăрмар районĕнчи Тикаш халăхĕ пуçламăш шкула тата пĕчĕккисен ушкăнне хуптарасшăн мар. Нумаях пулмасть ял администрацийĕнче иртнĕ пухура ашшĕ-амăшĕ çак шухăша уççăн пĕлтернĕ.

4 Авг, 2017

Больницăри пурнăç ача валли мар

Республикăри виçĕ теçетке ытла ача больницăсенче 93 кун пулнă. Çук, сăмах вĕсем суранланнă е чирленĕ хыççăн сипленни пирки пымасть. Кусем — кил-çуртсăр, ашшĕ-амăшĕсĕр ачасем, пурнăçĕпе сывлăхĕшĕн хăрушлăх пуррине кура социаллă лару-тăру енĕпе ырă мар çемьесенчен туртса илнисем. Паллах, çак ачасем больницăсенче çапла вăрах пурăнни — йĕркесĕр пулăм.

Август 3rd

3 Авг, 2017

Çĕнĕ çурта куçма ĕмĕтленеççĕ

Елчĕк районĕнчи Энтепе ялĕнче тĕпленнĕ Тамарăпа Павел Исаевсем çичĕ ачана ура çине тăратаççĕ. Павел Комсомольски районĕнчи Вăрманхĕрри Чурачăк хĕрне паллашсанах куç хывнă. Тамарăн 2 çулти тĕпренчĕк Ксюша пулни те ăна шиклентермен, арçын ăна тăван ачи пекех йышăннă. Кăçал Исаевсем пĕрлешнĕренпе 11 çул çитнĕ.

3 Авг, 2017

Хăравçăсем парашютпа сикмеççĕ

Сывлăш-десант çарĕсен кунне çулсеренех анлăн паллă туни çак уяв пысăк пĕлтерĕшлĕ пулнине кăтартать. Ахальтен-им десантниксене «1-мĕш номерлĕ çар» теççĕ? Вăрçă, хирĕç тăру тухсан унта чи малтан сывлăш-десант çарĕ васкать. «Пирĕнсĕр пуçне никам та!» девиза яланах асра тытакан, кăвак беретлă, йăрăмлă тельняшкăллă патвар каччăсем кирек хăçан та çĕршыва хÿтĕлеме хатĕр.

3 Авг, 2017

Икĕ çын шывра путнă

Кăçалхи утă уйăхĕн 29-мĕшĕнче Муркаш районĕнчи Тури Панкли ялĕнче пурăнакан 29 çулти арçын юлташĕсемпе пĕве хĕрринче каннă. Хайхискер шыва кĕнĕ чухне варринелле ишсе кайнă. Кăштахран вăл юлташĕсен куçĕ умĕнчен çухалнă. Вĕсем ăна шыранă, анчах тупайман. Унăн виллине шывран тепĕр кунхине кăларнă. Малтанлăха пĕлтернĕ тăрăх, ÿсĕр арçын шывпа чыхăнса вилнĕ.

3 Авг, 2017

Паркра - бассейнсем

«Шупашкар: 500 çул паркра» çуллахи аква-зона уçăлнă. Вăл «Амазония» этнокомплексра вырнаçнă.

Паркра 5 бассейн уçнă. Вĕсенчен виççĕшĕ — аслисем валли, иккĕшĕнче ача-пăча шыва кĕме пултарать. Бассейнсем ирхи 10 сехетрен пуçласа каçхи 10 сехетчен ĕçлеççĕ. Аслисен шыва кĕнĕшĕн 200 тенкĕ тÿлемелле. 3 çул тултарманнисем тÿлевсĕрех чăмпăлтатаяççĕ.

 

3 Авг, 2017

Подьезд умне илем кÿнĕ

Хамăр пурăнакан вырăна капăрлатма мĕн чăрмантарать? Çакна тума кăмăл çеç кирлĕ. Элĕкри Парк урамĕнчи 9-мĕш çуртра пурăнакансем ÿркенмен, хăйсем тĕллĕн подьезд умне илем кÿнĕ.

Унта кун кунлакансем Вероника Иванова пуçарăвĕпе клумбăсене чечек лартнă, кил-тĕрĕшре усă курма пăрахнă япаласенчен юмахри сăнарсене ăсталанă. Кустăрма шинисем, пластмасса савăт-сапа, ача-пăча теттисем те капăрлăх кÿме кирлĕ пулнă. Нумай хваттерлĕ çурт умĕнчи илем халĕ иртен-çÿрен кăмăлне те çĕклет.

Страницы