Архив - Авг 2015

«Хыпар» кĕрекинче - Чăваш Ен аграрийĕн тепĕр ветеранĕ, Шупашкарта пурăнакан Александр Петрович САМЫЛКИН. Вăл тивĕçлĕ канăва кайиччен утса тухнă çул тумхахлă, апла пулин те - кăсăклă.

Пирĕн ачалăх, хальхипе танлаштарсан, юмахлăрах иртнĕ евĕр туйăнать. Шыв вăйлă юхса иртнĕ хыççăн çÿп-çап, турпас, çĕтĕк-çатăк таврашĕ тăрса юлнă пек Аслă вăрçăн куçа курăнман хумĕ чăваш ялĕсен сăнне нĕрсĕрлентерсе хăварчĕ.

Хурапыр Юнтапа ялĕнче çуралса ÿснĕ Яков Данилович Данилов ячĕпе уçнă палăк унăн йăхĕсемшĕн кăна мар, ку тăрăхра е ытти çĕрте пурăнаканшăн та несĕлĕмĕрсене хисеплеме вĕрентекен ырă тĕслĕх вырăннех. Сăваплă ĕçе Тинĕс-çар флочĕн кунĕнче йĕркелени те ăнсăртран мар. Чаплă палăка тивĕçнĕ çын хăй вăхăтĕнче ялти пĕрремĕш моряк пулнă.

/Малалли. Пуçламăшĕ 148-151-мĕш номерсенче/.

«Самант» хăни - Марина Ишмуратова. Вăл Елчĕк районĕнчи Елчĕкре çуралса ÿснĕ. И.Н. Ульянов ячĕллĕ Чăваш патшалăх университетĕнчен вĕренсе тухнă. Халĕ «Сбербанк России» тытăмĕнче ĕçлет.

Улма-çырла пуçтарсан

Кĕркунне чечек акатпăр

Çĕмрен пек вĕçет çуллахи вăхăт. Çурла уйăхне кĕтĕмĕр. Вăл çуллана вĕçлет. Ку уйăхра садри, пахчари ĕçсемпе пĕрлех пулса çитнĕ улма-çырлана, пахчаçимĕçе пуçтарса тирпейлемелле. Хĕл хырăмĕ пысăк теççĕ: пăхса çитĕнтернĕ çимĕçе вăхăтра тăварламалла е маринадламалла, варени-компот тумалла, салат-лечо пĕçерсе хупмалла. Ĕçĕ темĕн чухлех.

Хризантема, астра, георгин тата ытти кĕрхи чечексен тапхăрĕ çитрĕ. Вĕсем пурте питĕ хитре, нумай вăхăт çеçкере лараççĕ, кĕрхи пахчана мĕн шăнтичченех илем кÿреççĕ. Мĕнпур пахчаçимĕçе пуçтарса илнĕ хыççăн харсăр астрăсемпе георгинсем куçа тыткăнлаççĕ. Вĕсене пăхма йывăрах мар. Кĕрхи пахчана нумай вăхăт илем кÿччĕр тесен хăшпĕр вăрттăнлăхсене пĕлмелле çеç.