Архив - 17 Апр, 2015

Килти хуçалăх - чылай çемьешĕн тупăш илмелли пĕртен-пĕр çăлкуç. Ара, нумай предприяти арканчĕ-çке. Пуррисенчен чылайăшĕ шалу сахал тÿлет. Кашни вăрăм укçа шыраса аякка каяймасть е пайтаçă пулаймасть.

Вăрмар районĕнчи халăха ĕçпе тивĕçтерекен центра çулталăкăн малтанхи кварталĕнче 278 çын ĕç шыраса пынă. Ĕçсĕрлĕх шайĕ ку хутлăхра пысăк тееймĕн: вăл 0, 31 процентпа танлашать. 2015 çулта служба пулăшăвĕпе усă курса 246 çын хăйсен вырăнне тупнă. Республикăри районсен виçĕ уйăх кăтартăвĕсене танлаштарсан çынсене ĕçе вырнаçтарас шай Вăрмарта пуринчен пысăкки - 88,5 процент. Вакансисенчен ытларахăшĕ - районти предприятисемпе организацисем сĕннисем. Сăмах май, халăха ĕçпе тивĕçтерекен центрпа çыхăнса кирлĕ специалиста шырама тĕрлĕ тытăмри 33 хуçалăх кăмăл тунă.

Кăçал çавра юбилейне паллă тума хатĕрленекен спортсменка Чăваш Енри чи пултаруллă йĕлтĕрçĕсенчен пĕри шутланать. Çамрăк чухнех тĕрлĕ ăмăртура палăрнăскер 40 çула çитсен те спортран кайма васкаман. Пачах урăхла: унăн тата çĕнĕ вăй-хăват хушăннă тейĕн - ветерансен хушшинче иртекен турнирсене хутшăнма пуçланă. Нимĕнле йывăрлăха та парăнма хăнăхман хĕрарăм çĕршывра кăна мар, тĕнчери пысăк ят-сумлă йĕлтĕрçĕ пулса тăнă. Çак кунсенче кăна-ха, акă, Наталья Петровна хăйĕн ăсталăхне тепĕр çĕнтерÿпе çирĕплетрĕ: тĕнче кубокĕнчен 4 медальпе таврăнчĕ.

Хаçат-журнал çырăнтарас тапхăр пуçланас умĕн Республикăри почта çыхăнăвĕн управленийĕн ертÿçисемпе тĕл пулса икĕ енĕн мĕнпур тăкакне, мĕнле тăкаксем мĕнпе çыхăннине палăртса килĕшÿсем тăваттăмăр.

Тăван çĕршывăн Аслă вăрçине хутшăннисем паянхи кун Тутар Республикинче те питĕ сахал юлнă. Нумай ялта çук та темелле. Манăн вăрçăн чăн-чăн ветеранĕпе курса калаçма тÿр килчĕ. 92-ре пулсан та, ăслă-тăнлă, мĕн пулса иртнине халĕ те асра тытать. Иван Николаевич Титовпа эпĕ Чистай хулинче тĕл пултăм. Чăваш хаçатĕнче ĕçлекен корреспондента хапăл пулчĕ, питĕ хĕпĕртерĕ.

Вăрмар районĕнчи Хĕрлĕçыр ялĕнчи Фадей тата Агрепина Кузьминсен çемйинче 6 хĕр те пĕр ывăл çитĕннĕ. Кĕçĕнни Кузьма пулнă, вăл 1921 çулта çуралнă. Улттă тултарсан амăшĕсĕр юлнă, ашшĕ те нумай пурăнайман. Кузьмана аппăшĕ - Марфа - пăхса усранă. Шкултан вĕренсе тухсан çамрăк пĕр вăхăт тăван колхозра ĕçленĕ.

Çĕршыва нимĕç фашисчĕсем тапăнсан вăл малтанхи кунсенчех çапăçăва кĕнĕ.

Фронтран аппăшĕ патне янă пĕр çырăвĕнче вăл çапла хыпарлать:

«Юратнă аппа! Чи малтанхи йĕркерех манран пысăк салам йышăнма ыйтатăп.

Мĕнле пурăнатăн эсĕ, аппа, сывах-и?

Апрельте Пĕтĕм Раççейри Куç курманнисен обществин Чăваш регион уйрăмне йĕркеленĕренпе 85 çул çитет. Обществăн вырăнти организацийĕ Куславкка районĕнче те ĕçлет. Вăл çак тăрăхри 25 ял-хулари тата Вăрмар районĕнчи 37 ялти 175 çынна пĕрлештерсе тăрать, çав йышра инвалидсем - 157-ĕн.

Организацие Чăваш Республикин халăхăн социаллă пулăшăвĕн тава тивĕçлĕ ĕçченĕ Е.Морева 1992 çултанпа ертсе пырать. Çак тапхăрта инвалидсемпе ĕçлесси уншăн пурнăçĕн тĕп тĕллевĕ пулса тăнă.

Кашкăр Иванĕсен Кĕçтенттинĕ шурă хут листине саккăра хутлатса çĕленĕ, кĕсьере чиксе çÿреме хатĕрленĕ типтерне /тетрадьне/ малтанхи хут 1906 çулхи çурлан 16-мĕшĕнче çырса хуни паллă. Юлашки тăватă страницăра /80-84-мĕш питсенче/ тата пĕрремĕшĕнче 11 саспаллинчен йĕркеленĕ клише çапса тултарнă. Ăна поэтăмăрăн 1957 çулта тухнă çырнисен пуххинче чăвашла «касса тунă саспаллисен чернилпа сĕрсе пичетленĕ ÿкерчĕкĕ», вырăсла «отпечатки букв самодельного шрифта» тесе палăртнă. Асăрхаттарăвĕсене çыраканĕ /Н.Ф.Данилов/ малтанхи çакă саспаллисене кăтартнă: Ч, Х, О, Т, Г, В, С.

1.

Марина Карягина - ЧР искусствăсен тава тивĕçлĕ деятелĕ, паллă поэтесса. Унпа тĕлпулса калаçма сăлтав пулчĕ: вăл тинтерех çеç çулçÿреврен таврăннă. Кипра çитсе килнĕ. Çавăн çинчен калаçрăмăр та иксĕмĕр.

- Унта мĕнле тĕллевпе лекрĕн?