Видео

Кунта килти пекех аван

«Чăваш наци телевидени — Чǎваш Ен»

Мĕн пур лайăххи - ачасене. Иртнĕ канмалли кунсенче Вăрмар районĕнче çĕнĕ ача пахчи хăйĕн алăкне уçрĕ. Халĕ шăпăрлансене садике вырнаçтарассипе районта йывăрлăх çук, черет те чакнă. Хаваслă уява пĕчĕккисемпе савăнăçа пайлама аслисем те пырса çитрĕç - вĕсемпе пĕрле республика пуçлăхĕ те.

Ачасемшĕн аслисем яваплă

«Чăваш наци телевидени — Чǎваш Ен»

Пĕтĕм тĕнчери ача кунне халалласа Шупашкарта чÿк уйăхĕн 20-мĕшĕнче çул çÿрев хăрушсăрлăхĕн патшалăх инспекцийĕ ятарласа профилактика рейчĕ Ирттерет. Ăна йĕркелеме сăлтавĕ пысăк - кăçалхи 10 уйăхра республикăра ачасемпе çыхăннă 200 яхăн авари регистрациленĕ, 5 ача вилнĕ, 204-шĕ аманнă. Çавăнпа асăрхаттару ĕçĕ пирки полицире самантлăха та манмаççĕ.

Ултавçăсенчен асăрханăр!

«Чăваш наци телевидени — Чǎваш Ен»

Пластик карттăпа усă курма питĕ меллĕ. Паян вăл пурин аллинче те пур-çамрăксенчен пуçласа пенсионерсем таранах. Анчах ултавçăсем те çывăрмаççĕ. Çынсен укçине хăйсен кĕсйине чикес текенсем ултав меслечĕсене çĕнетсех пыраççĕ. Вĕсен серепине лекекенсен шучĕ те кунсерен ÿссе пырать. Кăçалхи чÿк уйăхĕнче çеç кунашкал 400 ытла тĕслĕх тупса палăртнă. Преступниксен серепинчен мĕнле майпа сыхланмалла? Кун пирки паян шалти ĕçсен министерствинче ирттернĕ пресс-конференцире каласа пачĕç.

«Информаци обществи» тĕл палăртакан тытăма хута янă

«Чăваш наци телевидени — Чǎваш Ен»

Иртнĕ ĕмĕрĕн 80-мĕш çулĕсенчех Глонасс тытăмне хута янă. Шел те вăл хальхи йышши технологисемпе тупăшма вăйсăртарах. Çавăнпа «Информаци обществи» программăпа килĕшÿллĕн 2020-мĕш çулччен республикăра тĕл палăртакан тытăм хута ярасшăн.

Иртнĕ шăматкун Чăваш Енри ача çурчĕсен уçă алăкĕсен кунĕ иртрĕ

«Чăваш наци телевидени — Чǎваш Ен»

Çак кунсенче Чăваш Енри ача çурчĕсенче уçă алăксен кунĕ иртрĕ. Ашшĕ-мăшĕсĕр çитĕнекенсене патшалăх паян апат-çимĕçпе, тум-тирпе тивĕçтерет. Анчах чун ăшшине парнелеймест вăл. Уçă алăксен кунне килсе куракансенчен хăшĕ-пĕри тăлăха хăй çуначĕ айне илессе шанаççĕ кунта.

 

Чи лайăх полицейски акци иртрĕ

«Чăваш наци телевидени — Чǎваш Ен»

Полицейскисем куллен мĕн ĕçлеççĕ? Алă йĕрĕсенче мĕнле информаци упранать? 5-мĕш гимназире вĕренекенсем халĕ çакăн пирки пĕлеççĕ. Шкулта «Чи лайăх полицейски» акци иртрĕ.

Подрядчиксем тивĕçлĕ ĕçлеменни шар кăтартать

«Чăваш наци телевидени — Чǎваш Ен»

2010 çулта Чăваш Ен правительстви 200 яхăн объекта çутăпа тивĕçтерме килĕшÿ çырнă. Çак программăн пысăк пайне пурнăçланă ĕнтĕ. Анчах та йывăрлăхсем те пур, хăш-пĕр яла паян кунччен те электричество çитмен. Куншăн кам айăплă, тата лару-тăрăва йĕркене кĕртес тесен мĕн тумалла?

Авариллĕ çуртçйĕртен куçармалли программа мĕнле пурнăçланать?

«Чăваш наци телевидени — Чǎваш Ен»

Муниципалитетсен пуçлăхĕсемпе ирттерекен видеоконференцире çынсене авариллĕ çурт-йĕртен куçармалли программа мĕнле пурнăçланнине тишкерчĕç.

Çунатлă, вутлă чунлă поэт пултарулăхне пуç тайса!

«Хастарлă хыт утăмлă пулăр, çĕр-шывăн хастар ачисем. Хыт утăмлă пулăр ан юлăр, ан юлăр кун-çул уттинчен!» Çеçпĕл Мишши тăван халăх кун-çулĕнче кăварлă сăввисемпе кăна мар, тĕрĕслĕх шыракан вĕри чĕреллĕ, çивĕч чĕлхеллĕ публицист пек палăрса юлчĕ. Чÿк уйăхĕн 16-мĕшĕнче вăл çуралнăранпа 115 çул çитет. Çак куна халалласа Шупашкарти Çепĕл Мишши скверĕнче вилĕмсĕр поэтăн пултарулăхне юратакансем, хисеплекенсем савăнăçлă митинга пухăнчĕç.

Вырăс драма театрĕнче - «Кăн-кăвак юхан-шыв» спектаклĕн премьери

«Чăваш наци телевидени — Чǎваш Ен»

Вырăс драма театрĕнче черетлĕ Премьера!. Сцена çине Борис Вахтинăн «Кăн-кăвак юхан-шыв» пьеси тăрăх лартнă çĕнĕ спектакль тухрĕ. Ăна театр коллективĕ Тăван çĕр-шывăн Аслă вăрçинче Çĕнтерÿ тунăранпа 70 çул çитнине халалланă.

Pages