Виççĕмĕш ачашăн

Пирĕн виççĕмĕш ача çуралчĕ. Уншăн алла çĕр пин тенкĕлĕх сертификат пачĕç. Çав укçана илме ăçта каймалла?

Сергей Иванов.

Канаш районĕ, Ешкилт.

2012 çулхи январĕн 1-мĕшĕ хыççăн çуралнă ?усрава илнĕ% виççĕмĕш е ун хыççăнхи ачашăн пирĕн республикăра 100000 тенкĕ параççĕ. Анчах вăл укçана тÿрремĕнех алла памаççĕ. Унпа ача виçĕ çул тултарсан кăна пурăнмалли условисене лайăхлатма е ачасене вĕрентме усă курма юрать. Пурăнмалли условисене лайăхлатнă çĕре çурт туни е туянни, ипотека кредитне тÿлесе татни, пурăнмалли уйрăм çурта юсаса çĕнетни кĕрет.

Укçапа ача виçĕ çул тултариччен усă курма ирĕк паракан пĕртен пĕр сăлтав вăл - çурт тума е туянма тăкакланă тĕп парăма тата кредита тÿлеме усă курасси.