УЙРĂМ Е ПĔРЛЕ?

Эмелсемпе сипленнĕ вăхăтра час-часах курăк шĕвекĕсем те ĕçеççĕ. Анчах ку яланах вырăнлă мар. Çапла та пулма пултарать: сăмахран, курăк эмел витĕмне темиçе хут ÿстерет е пачах пĕтерет. Мĕн-мĕне пĕрле шайлаштарма юрамасть-ха? Д. Балясова фитотерапевт çапла ăнлантарать.

Юрать

  • Грипран сипленнĕ чухне вĕриленнине ирттерекен препаратсемпе пĕрле ÿслĕкпе кĕрешекен курăксен - пылак тымар /солодка голая/, шăпăр курăкĕн /алтей лекарственный/ - шĕвекĕсене ĕçме юрать. Çавăн пекех шăлан çырлин шĕвекĕ, эмел курăкĕн /ромашка аптечная/ чечекĕнчен, пĕтнĕкрен /мята перечная/, ухмах йывăççинчен /багульник болотный/ хатĕрленĕ шĕвексен пăсĕпе сывлани усăллă.
  • Аптекăра туяннă ÿслĕке хирĕçле эмелсем ĕçнĕ чухне кăкăра çемçетекен курăксен пуххи аван. Унта шăпăр курăкĕн тымарĕ, пылак тымар, шапа хупаххин /мать-и-мачеха/ çулçи, матрÿшке /душица/, шурă эмел курăкĕ /шалфей/, хыр папки, анис вăрри кĕреççĕ.
  • Гипертони чухне юн пусăмне чакаракан препаратсем ĕçмелле. Вĕсемпе пĕрле лăплантаракан курăксен шĕвекĕсемпе сипленме юрать. Çак шутра - чĕре курăкĕ /пустырник/, кушак курăкĕ /валериана лекарственная/, сенкер чечек /синюха голубая/.

Юрамасть

  • Лăплантаракан эмелсемпе вара кушак курăкĕ, чĕре курăкĕ, пион, сенкер чечек килĕштермеççĕ.
  • Кăмпаран сиплекен эмелсемпе пĕрле эхинацея настойкине ĕçме юрамасть.
  • Кофеинлă препаратсемпе пĕрле женьшень настойкипе усă курмалла мар.
  • Диабетпа кĕрешекен препаратсем пылак тымар шĕвекĕпе килĕшсе тăмаççĕ.
  • Аспиринлă эмелсене шурă хăва настойкипе пĕр вăхăтра ĕçме юрамасть.
  • Гипертонирен сиплекен эмелсемпе пĕрле женьшень, сарă кушак ури /бессмертник песчаный/, левзея, арали, заманиха, лимонник хушса хатĕрленĕ препаратсем ĕçмелле мар.
  • Юнри гемоглобин шайне ÿстермелли эмелсем çемçетекен /сенна, хура катăркас хуппи.../, шăк хăвалакан /чăрăш тăрри, уртăш çырли, кĕтмел çулçи, хурăн папки/ ÿсен-тăран шĕвекĕсемпе килĕштермеççĕ.
  • Юн кĕвелессине чакаракан препаратсемпе пĕрле çак ÿсен-тăран юрамасть: хăва курăкĕ /горец перечный/, чĕкре курăк /горец змеиный/, шатра курăкĕ /пастушья сумка/, укçа курăкĕ /ярутка обыкновенная/, сарă кушак ури /бессмертник песчаный/, куккурус çÿçи, шур тăрăллă хыт курăк /тысячелистник обыкновенный/, вĕлтрен, пур тĕрлĕ шатра кĕпçи /лапчатка/, софора çимĕçĕ, чăрăш тăрри /хвощ полевой/, пур тĕрлĕ шăлан çырли, пур тĕрлĕ шăнăр курăкĕ /подорожник/, кушак курăкĕ /валериана лекарственная/, сельдерей.
  • Юна çăратакан эмелсене шурă хăва хуппин, илеперĕн /донник лекарственный/, ÿт илен курăкăн /лабазник вязолистный/ шĕвекĕсемпе пĕр вăхăтра ĕçме юрамасть.
  • Пуç миминчи юн тымарĕсене саракан препаратсемпе розмарин, пĕтнĕк, чапăр /чабрец/ шĕвекĕсемпе пĕр вăхăтра сипленмелле мар.
  • Сар çип утин /зверобой продырявленный/ препарачĕсемпе чĕрене пулăшакан, юн пусăмне антаракан, юн кĕвелессине чакаракан эмелсем, контрацептивсем, антидепрессантсем, антибиотиксем, сульфанамидсем ĕçнĕ, куç нервĕн чирĕсенчен сипленнĕ чухне пачах усă курма юрамасть.
  • Операциччен пилĕк кун маларах ун хыççăн юн каясран кушак курăкĕн, эхинацея, ыхра, женьшень, сар çип ути, гинкго билоба, илепер никĕсĕ çинче хатĕрленĕ эмелсем ĕçмелле мар.

Комментари хушас

Image CAPTCHA
Введите символы, которые показаны на картинке.