Йĕплĕ пăралук леш енче

16 Кăрлач, 2020

«Эсĕ аннÿ пек ан пул!»

Мускав çывăхĕнчи хулара пурăннă Олеся Смирнова шкулта лайăх вĕреннĕ, физикăпа математика класĕнче ăс пухнă. Аттестат илсен вăл института çул тытнă, таможенник специальноçне суйланă. Олесьăн студентсен хушшинче уйрăлса тăрас, чăнкăрах курăнас килнĕ. Çĕнĕ тус-юлташ хăвăртах тупăннă. Ушкăнра эрех-сăра тиркемен, наркотик те тутаннă. Пикене çакă илĕртнĕ. Лайăх çемьере ÿснĕскер пирвайхи хут эрех сыпнă, пирус туртнă.