Шурă туя

Кашни çын хăйĕн пирки калаçма юратать, эпĕ вара паян хамăр общество нуши çинче чарăнса тăрасшăн.

Раççей шайĕнче "Шурă туя" уйăхлăх иртет пулин те, пирĕн Чăваш Енре ун çинчен сас-хура çукпа пĕрех. Республикăра паянхи куна 4 пине яхăн куç курман сусăр çын пурăнать.

Эпĕ вунпĕрмĕш çул Муркашри куç курманнисен обществинче секретарьте тăрăшатăп. Пирĕн ĕçре чи кирли - килекен çынсен нушине ăнланса вăхăтра тата саккунпа килĕшÿллĕн пулăшасси, çавăнпа та ĕçре яланах ăнлану, чăтăмлăх тата ăш кăмăллă пулни кирлĕ.