Нумаях пулмасть сарнă каток çинче хальлĕхе никам та ярăнмасть. Аттракционсем те ĕçлемеççĕ. Анчах раштавăн 17-мĕшĕнче «Лакрей вăрманĕ» ача-пăча сассипе туласса шанаççĕ кунти ĕçченсем. Шăпах çав кун паркра Çĕнĕ çулхи мероприятисем старт илеççĕ.
Шупашкарти "Николаевский" комплексра сутакан усламçăсем Чăваш Ен Пуçлăхне аренда хакĕ пысăк тесе евитленĕ. Хулари пасарсене республика ертÿçи Михаил Игнатьев "Кĕр парни - 2017" ярмăрккăна епле йĕркеленипе паллашма кайнă. Пасарсен ĕçĕпе çавăн пекех республикăн ял хуçалăх министрĕн тивĕçне пурнăçлакан Марина Загребаева тата Шупашкар хула администрацийĕн пуçлăхĕ Алексей Ладыков кăсăкланнă.
Паян Шупашкарта универсаллă спорт лапамĕ уçăлнă. Вăл Эгер бульварĕнчи 33-мĕш çурт патĕнче вырнаçнă. Савăнăçлă пулăма РФ Патшалăх Думин депутачĕ Леонид Черкесов, Шупашкар хула администрацийĕн пуçлăхĕ Алексей Ладыков, "Чикĕсĕр футбол" ача-пăча футбол лигин президенчĕ Ирена Петрейките тата паллă спортсменсем хутшăннă.
Кунашкал ятлăскере Шупашкарти Калинин районĕнчи ЗАГС уйрăмĕнче регистрациленĕ. Унти ĕçченсем çакăн пек тĕслĕхпе пĕрремĕш хут тĕл пулнă.
Ашшĕпе амăшĕ хăйсен тĕпренчĕкне ахальтен çапла чĕнме тĕллевленмен. Ку мăн асламăшĕн ячĕ иккен. Сăмах май, тĕп хуламăрта сайра тĕл пулакан ятсен йышне Сильва, Цветана, Моника, Теона, Найля, Доминика, Яким, Ян, Фидан, Лука кĕреççĕ. Анна, Анастасия, Дарья, Мария, Ксения, Михаил, Александра, Кирилл, Иван, Никита ятсене вара час-часах хураççĕ.
Чăвашла верси
Русская версия
