Путек

Качака путеккисене тăпăрчă шывĕ ?сыр хатĕрленĕ хыççăн юлаканскерне% ĕçтерме е унпа апат пĕçерсе пама юрать-ши? Сĕте перекетлес килет.

Вера Клементьева. Элĕк районĕ.

Тăпăрчă шывĕ белокпа пуян, вăл организмшăн усăллă. Унсăр пуçне кальципе витамин та чылай. Анчах шĕвеке ытла нумай ĕçтермелле мар, унсăрăн çамрăк выльăх варвиттипе аптăрама пултарать.

Качака пăранласан пăянам путеккине амăшĕпе пĕрлех тытаканччĕ. Ку хутĕнче тÿрех пÿрте илсе кĕчĕ, чашăкран ĕçтерет. Качака путеккисене питĕ шеллетĕп, амăшĕпе пулмалла пек туйăнать. Тĕрĕсех тăвать-ши пăянам?

Елена Петрова. Тăвай районĕ, Тăрмăш ялĕ.

Тин çуралнă путексене амăшĕпе пĕрле хăварма та, уйăрма та юрать. Чылай чухне сĕт нумаях антарман, ăратлă мар качакана путекĕсемпе пĕрле тытаççĕ. 3-4 уйăхченех ĕмĕртеççĕ, кайран майĕпен сĕтпе хутăш ытти апат пама пуçлаççĕ.

Subscribe to Путек