Кун пек те пулать

9 Утă, 2016

Айăпсăр - айăплă...

Пĕр кунхине ĕçе каярах юлса çитрĕм. Алăк умĕнче 45-50 çулсенчи палламан хĕрарăм тăратчĕ. «Эсĕ Оля-и?» — ыйтрĕ куçран сиввĕн тинкерсе. «Эпĕ», — терĕм пĕрремĕш хут куракан çине тĕлĕнерех пăхса. Сăмаха вĕçличченех тытăнчĕ хĕрарăм сурчăк сирпĕтсе вăрçма! Çеккунтра мана тем те пĕр каласа тăкрĕ. Эпĕ айккипе иртсе кайма тăрсан самăр кĕлеткипе алăка картларĕ хайхи. Чарăнма та шухăшламасăр ĕçтешсен умĕнчех пăсăрлантарчĕ мана. «Ачасене ашшĕсĕр хăваратăн. Намăссăр! Ют арçынпа çывăрса пурăнатăн, çылăхлă эсĕ! Нихăçан та ыр кураймăн. Совеçÿ те çук санăн, питÿ те хĕрелмест, тьфу!

Чăваш хĕрарăмĕ

Пулса иртни

Кун пек те пулать

2 Утă, 2016

Ютти мĕншĕн тутлăрах-ши?

Тĕлĕнмелле ĕçчен те правур ман кÿршĕ. Ĕçкĕпе иртĕхнине халиччен те курман. Андрей уйăхĕ-уйăхĕпе шапашра çÿрет, кашнинчех «вăрăм укçапа» таврăнать. Унтан килсен те ларса канма пĕлмест вăл. Çавна пулах капмар хуралтă çавăрчĕ, машина туянчĕ. Анчах та арăмĕпе ăнмарĕ ăна. Ирĕклĕ те канлĕ пурнăçа килĕштерет чипер Надя. Малтан ялти фермăра пăру пăхатчĕ, халĕ унта та кайми пулчĕ. Иртĕхсех çитрĕ хĕрарăм. Упăшки Мускавран укçа куçарса парасса çеç кĕтсе ларать килте. Картишĕнчи хур-кăвакалне, выльăх-чĕрлĕхне те ватă амăшĕ пĕчченех пăхать.

Чăваш хĕрарăмĕ

Пулса иртни

Кун пек те пулать

21 Çу, 2016

Арăмпах лайăх

Манăн нихăçан та еркĕн пулман. Çапах та ют çимĕç тутлă тенине илтнĕ. Эх, манăн та кама та пулин тупмалла мар-ши? Çÿллине, яштакине, ăшă сăмахпа кăмăла çавăраканнине...

Пĕррехинче çак тĕлĕшпе пысăк опытлă тата пысăк стажлă 3-4 арçын пĕрле пухăннă та сăмах ваклаççĕ. Еркĕнĕн пурнăçĕ çăмăл-ши вара?

Чи малтан вăрман хĕрринче пурăнакан Симун каласа кăтартма пуçларĕ:

Чăваш хĕрарăмĕ

Пулса иртни

Кун пек те пулать

23 Ака, 2016

Куçăхтарас марччĕ

Хĕрĕм шкул пĕтерсен хулана вĕренме кайрĕ. Часах Сергейпе туслашрĕ. Пĕр хушăран пĕрле пурăнма тытăнчĕç. Туй тумасăрах арлă-арăмлă пурăнма эпир те чармарăмăр. Ун чухне тăвансене кĕрекене пухма укçа-тенкĕ çукрахчĕ. Хĕрĕмĕре шăпах хваттер туянса панăччĕ.

Часах Настя пире кукамайпа кукаçи тума хатĕрленни паллă пулчĕ. Куншăн хĕпĕртерĕмĕр кăна. Анчах... кĕрÿ ăна пăрахса кайрĕ. Хĕрĕмĕртен икĕ çул çамрăкрахскер яваплăхран хăрарĕ-ши? Нумай асапланчĕ Настя. Мана кăна систересшĕн пулмарĕ, анчах амăшĕн чĕри епле ан туйтăр çакна?

Чăваш хĕрарăмĕ

Пулса иртни

Кун пек те пулать

26 Пуш, 2016

Çирĕп хĕрарăм

Ывăлĕ çари çухăрнипе вăранчĕ Люба. Владик каллех усал тĕлĕк курать пулĕ ĕнтĕ. Пиллĕкри ывăлĕ час-часах çапла канăçсăр çывăрать. Эх, мĕскĕн, ашшĕ путсĕррине пула тутлă ыйхă мĕнне те пĕлмест-çке.

Çамрăкла качча тухрĕ Люба. Кÿршĕ ял йĕкĕчĕпе ташă каçĕнче паллашрĕç вĕсем. Ялти Сантăр та килĕштеретчĕ хĕре, анчах пике Петĕре суйларĕ. Каччă харсăр та çирĕп пулни илĕртрĕ ăна. Часах хĕртен арăм пулса тăчĕ. Виçĕ уйăхранах Петĕр Любăна вăрласа кĕчĕ.

Чăваш хĕрарăмĕ

Пулса иртни

Кун пек те пулать