"Хыпар" турнирăн пĕтĕмлетĕвĕпе пĕрремĕш вырăна Чăваш Ен команди тухрĕ. Иккĕмĕшпе виççĕмĕш вырăнсенче - Кировпа Санкт Петербург спортсменĕсем.
Абсолютлă чемпион ятне Самарти Олег Щербинпа Шупашкарти Анастасия Александрова тивĕçрĕç. Кировран килнĕ 19-ти Егор Демышев юниорсен хушшинче тĕнче рекордне çĕнетрĕ.
"Хыпар" хаçат турнирĕ малалла пырать. Паян Кировран килнĕ Елена Матвеева 24 килограмлă икĕ кире пуканĕ йăтса 1-мĕш вырăн йышăнчĕ.
Кире пуканӗ йӑтассипе "Хыпар" хаҫат парнисемшӗн иртекен пӗтӗм Раҫҫей 36-мӗш турнирне хӗрсемпе хӗрарӑмсем те хастар хутшӑнчӗҫ.
Паян Шупашкарта "Хыпар" парнисемшĕн Пĕтĕм Раççейри турнир иртет. Спортсменсене ЧР информаци политикин министрĕ Михаил Анисимов, спорт министрĕн пĕрремĕш заместителĕ Эльвира Матренина, кире спорчĕн федерацийĕн председателĕ Юрий Карпов, ăмăртăвăн тĕп судйи, РФ тава тивĕçлĕ тренерĕ Сергей Кириллов, Патшалăх канашĕн депутачĕсем Сергей Павловпа Николай Угаслов, Чăвашпотребсоюз председателĕн çумĕ Андрей Данилов ăнăçу сунчĕç.
Шупашкарти маунтинбайк центрĕнче "Хыпар" парнисемшĕн Пĕтĕм Раççейри турнир старт илчĕ.
Чăваш Ене 10 регионтан 150 ытла спортсмен килсе çитнĕ. Помост çинче тĕрлĕ ÿсĕмри пăхаттирсем тупăшаççĕ.
Елена Матвеева, Киров хули:
- Эпĕ ку турнира виççĕмĕш хут хутшăнатăп. Кунта яланах ăшшăн йышăнаççĕ. Ăмăртăва çÿллĕ шайра йĕркелеççĕ. Хамăн пултарулăха аталантарма тата вăя тĕрĕслеме пулать.
Чăвашла верси
Русская версия
