Ĕçрен кайнă та... кайман та...
Ашшĕ производствăра суранланни, анчах инкек ĕçре пулса иртнине хуçа йышăнманни çинчен О. Ленин рай-он прокуратурине пĕлтĕрех пĕлтернĕ. Лару-тăрăва туллин уçăмлатиччен çулталăк иртнĕ.
Çул тăвасси — яланхи ыйту. Вăл çынсене те, пуçлăхсене те, тÿре-шарана та калаçтарать. Пирĕн республикăра çулталăкне сахал мар çул тăваççĕ. Анчах подрядчиксем хăйсен ĕçне тивĕçлипе пурнăçламанни ĕç-пуçа начарлатать. Çак кунсенче эпир тĕрлĕ районти «ыйтуллă» обĕектсенче пулса куртăмăр.
Хуçалăхсенче вырма хĕрсех пырать. Малтанлăха палăртнă тăрăх — тухăç пĕчĕк мар, гектар-тан вăтамран 28 центнер тухать. Анчах унăн пахалăхĕ тивĕçтерет-ши? Ăна кура тупăшĕ-çке.
ЧР ĕçлев тата социаллă хÿтлĕх министрĕ Сергей Димитриев иртнĕ эрнере ĕçлĕ çÿревпе Елчĕк районĕнче пулчĕ, район администраци ертÿçипе Николай Миллинпа тĕл пулса калаçрĕ. Çавăн пекех вăл республикăри инвалидсене ĕçе вырнаçтарас тĕлĕшпе канашлу ирттерчĕ. Унта асăннă министерствăн тытăмлă уйрăмĕсен тата районсенчи Халăха ĕçпе тивĕçтерекен центр ертÿçисем хутшăнчĕç.
«Шкул — ял пуласлăхĕ», «Шкул пĕтсен ял пĕтет», е тата «Шкул — ял чунĕ», — теççĕ халăхра. Ку чăнах та çаплах. Çавăнпах Муркаш районĕнчи Кашмаш ял халăхĕ пĕлÿ çуртне упраса хăварма «Хыпар» хаçат редакцийĕнчен пулăшу ыйтрĕ. Эпир вырăна çитсе лару-тăрупа тĕплĕн паллашрăмăр.
Чăвашла верси
Русская версия
