Хальхи вăхăтра мода пурнăçра пĕлтерĕшлĕ вырăн йышăннине асăрхатăн. Сăмахран, хĕрарăмсем ташă каçĕсене, хăнана çеç мар, лавккана та сăн-пите илем кĕртмесĕр, капăр çи-пуç тăхăнмасăр çÿремеççĕ. Çутçанталăкăн вăйлă çурри те модăпа килĕшÿллĕн тăхăнать. Ăсчахсем палăртнă тăрăх, мода чул ĕмĕрĕнчех вăй илме пуçланă.
Юлашки вăхăтра Чăвашра спорт аталанни куçкĕрет. Çамрăк спортсменсем чăваш çĕрĕн мухтавлă ывăлĕ-хĕрĕ маттур, ăста пулнине пĕтĕм тĕнчене пĕлтерчĕç. Самбистсем, биатлонист, çăмăл атлетсемпе хăвăрт утакансем... Раççей, Европа, тĕнче шайĕнчи ăмăртусенчен çĕнтерÿпе таврăнаççĕ. Раççейĕн спорт гимнастики енĕпе пĕрлештернĕ командинче икĕ чăваш пики пур. Вĕсенчен пĕри - И.Н.Ульянов ячĕллĕ ЧПУн экономика факультетĕнче вĕренекен Полина Федорова. Пĕлтĕр пике спорт гимнастики енĕпе Раççей чемпионĕн ятне тивĕçнĕ.
"Наука çитĕнĕвĕ - вăхăтлăх ĕç тата ăс-тăн хăюлăхĕ", - тенĕ XVII-XVIII ĕмĕрсенче пурăннă Вольтер. Унтанпа сехет йĕппи миллион-миллион хут çаврăнса çĕнĕ технологисен саманине илсе çитернĕ. Тĕнчипех паллă француз философĕ Вольтер çак сăмахсене малашне мĕн пуласса пĕлсех каланăн туйăнать.
Январĕн 27-мĕшĕнче ЧР Пуçлăхĕ Михаил Игнатьев Шупашкарти КВН командисен хастарĕсемпе тĕл пулчĕ. «Чăвашсем» тата «Тĕп хула» КВН командисем январĕн 12-24-мĕшĕсенче Сочире пулчĕç. Вĕсем XXVI Пĕтĕм тĕнчери «КиВиН - 2015» фестивале пĕрремĕш хут хутшăнчĕç.
Чăвашла верси
Русская версия
