Тюльпана пĕр хут лартнă та урăх нихăçан та куçарса е кăларса аппаланман. Хăйсемех тухаççĕ. Çынсем вара кашни çулах кăларнине калаççĕ. Кирлех-ши çапла туни?
Тюльпан чечекĕ пысăк, гиацинт туни çÿллĕ пултăр тесен вĕсене кашни çулах чавса кăлармалла. Икĕ-виçĕ çулта пĕрре çеç кăларсан е çак ĕçе пачах тумасан вĕсем чечеке пĕр вăхăтра лармаççĕ, вĕтĕлеççĕ.
Тюльпан паранкине çулçипе туни сарăхнă хыççăн кăлармалла.
Кам юратмасть сирень çыххине, унăн ырă шăршине. Нумай пахчана илем кÿрет çак тĕм. Анчах хăш-пĕр чухне сирень тĕмĕ çинче çеçкесем сайра пулнине асăрхатпăр.
Календулăна ноготки тесе те калаççĕ. Вăл чи авалхи сиплĕ чечексенчен пĕри. Ун çинчен Авицена ĕçĕсенче асăннине те асăрхама пулать. Çак чечек Маргарита Наваррская Королева /1492-1549/ чи юратнă чечекĕ тесе хăйĕн пахчинче çитĕнтерме хушнă хыççăн уйрăмах палăрма тытăннă. Унпа тĕрлĕ чирсене сиплеме, ыратнине ирттерме усă кураççĕ. Уйрăмах вăл пыр ыратнине сиплеме май парать.
Календула - сивве тÿсĕмлĕ, ачаш мар, çутта юратакан, анчах типĕ тăпрана килĕштермен ÿсен-тăран.
Чăвашла верси
Русская версия
