Чăх-чĕп

28 Ака, 2016

Талăкри чĕп те лайăх çитĕнет

Аш валли кросс е бройлер чăх чĕпписене ÿстерсен аван. Мĕншĕн тесен хăвăрт ÿт хушаççĕ тата вĕсем хушшинче вилнĕ тĕслĕх сахал. Пĕр талăкри бройлер хакĕ кросран чылай йÿнĕрех. Унăн йывăрăшĕ - 40 грамран сахал мар. 56-мĕш кун тĕлне вăл 1500-1600 грама çитет, 80-мĕш куна виçи 3 килограмран та иртме пултарать. Аш валли бройлера 80 кунран ытла çитĕнтерме сĕнмеççĕ, мĕншĕн тесен çак вăхăт тĕлне майĕпен ÿсме тытăнать, ÿт япăх хушать. Капла ăна апатласа ытларах тăкакланма тивет.

Хресчен сасси

Ял хуçалăхĕ

Чăх-чĕп

11 Нарăс, 2016

Чăх ÿсĕрет, сунаслать

Хĕлле тата çуркунне пуçламăшĕнче килти чăх-чĕп ытларах чирлеме пултарать. Çак вăхăтра сывлав органĕсемпе çыхăннă инфекцисем сарăлма пуçлаççĕ, вĕсемпе уйрăмах чăх аптăрать.

Ку инфекцин тĕп паллисем ÿслĕкпе, сунасланипе, йывăррăн сывланипе çыхăннă, чăх куçĕнчен тата сăмсинчен шĕвек тухать. Унсăр пуçне чирлĕ чăх апат та çимест. Сайра тĕл пулакан инфекцисене шута илмесен чăх-чĕп чирĕ çын сывлăхĕшĕн хăрушă мар.

Паян тăтăш тĕл пулакан сывлав чирĕсем çинчен тĕплĕн калаçăпăр.

Хресчен сасси

Ял хуçалăхĕ

Чăх-чĕп

30 Кăрлач, 2016

Вĕтĕ чул та çăтать

Хăш-пĕрин шухăшĕпе, чăхха тырăсăр пуçне нимех те кирлĕ мар. Çакăнпа, паллах, килĕшме çук. Пĕсехине тултарнисĕр пуçне ăшă вите те, тимлĕх те кирлĕ ăна. Чăх çулталăкĕпех çăмарта тутăр тесен çак сĕнÿ-канаша ăша хывмалла.

Вăл пылаккине те, йÿççине те, тăварлине те сăхса çÿрет. Çапах кайăк-кĕшĕк тăварлă комбикормпа наркăмăшланма пултарать. Выльăх-чĕрлĕх валли хатĕрленĕ мочевинăллă апат уншăн уйрăмах сиенлĕ.

Чăхăн шăл çук. Маларах çăтса янă вĕтĕ чул апат хуранĕнчи çимĕçе вĕтетме пулăшать. Çавăнпах витене вĕтĕ чул лартса пама манмалла мар.

Чăваш хĕрарăмĕ

Ял хуçалăхĕ

Чăх-чĕп

22 Çу, 2015

Çамрăк автан пулăшать

Чăх айне чĕп кăларма хурса панă çăмартасенчен ытларах автан мар, чăх тухтăр тетĕн. Калăр-ха, тархасшăн, çапла тума май пулать-и?

Маргаритăпа Иван Никоноровсем. Тăвай районĕ.

Пулать. Енчен те ватă чăх çумне çамрăк автана ярсан вăл пĕтĕлентернĕ çăмартасенчен ытларах чăх тухать. Енчен те кил картишри автан ватă, унăн юлташ чăхсем çамрăкскерсем чухне кил хуçин автан йышĕ ÿсет.

22 Çу, 2015

Пасарта чĕп суйлатпăр

Çуллана тухас умĕн чăх чĕппи туянас терĕмĕр. Хальччен хулара пурăннăран яла хăнăхатпăр кăна. Çавăнпа пасарта чĕп суйланă чух мĕне шута илмелле-ши? Кÿршĕсем нумаях пулмасть чĕпсем туянчĕç, анчах темиçе кунтан вĕсенчен çуррийĕ вилчĕ. Пур-çук укçана çилпе вĕçтерес килмест-çке.

Нина Иванова. Етĕрне.