Ялта пĕччен хĕрарăма пурăнма йывăр, арçын аллисĕр хуçалăх юхăнать. Анчах мăшăрлисене те çăмăлах мар, мĕншĕн тесен «хусах маткасем» çемьеллĕ арçынна пĕр-пĕр ĕç тума чĕнеççĕ, кайран ĕçтереççĕ-çитереççĕ, укçа параççĕ кăна мар, юнашар та вырттараççĕ.
Ферма ĕнисене суса таврăнакан Светлана Еремеева хапха умĕнче çăмăл машина ларнине асăрханă. Ăна çураçма Александр Степанов килнĕ. Унччен вĕсем хĕрпе каччăлла çÿресе мар, калаçса та курман. Пĕлĕшĕ евчĕ пулса 2 ачаллă Светăна çав арçынпа паллаштарма тĕв тытнă.
Тăвай районĕнчи пĕр çамрăк çемье тавра пулса иртекен ĕç-пуç «Санта-Барбара» сериалтан та ирттерет. Упăшкипе арăмĕн хушши-хуппине никама та кĕме хушман пулин те Алисăпа Василий Ефремовсен хутшăнăвĕ пирки амăшĕпе тăванĕсем кăна мар, йĕрке хуралçисем те пĕлеççĕ.
Унăн ачисен умĕнчи парăмĕ 700 пин тенкĕрен иртнĕ. Арăмĕпе уйрăлнă хыççăн икĕ ывăлĕшĕн 16 çул алимент тÿлемен вăл. Куншăн ăна темиçе хутчен те судпа айăпланă, тĕрмене те хупнă.
Вăрçăнмасăр, нимĕн пайламасăр уйрăлнă мăшăрсем пур-ши? Темшĕн ытларах çемье арканнă хыççăн упăшкипе арăмĕ пулнă çынсем тăшмана çаврăнаççĕ. Халĕ каласа кăтартма тĕв тытнă пăтăрмаха тĕпе хурса хăть кино ÿкер — сюжечĕ сериалтинчен пĕртте кая мар.
Суда панă
Чăвашла верси
Русская версия
