2008 çулта Раççейре Юрату, çемье тата шанчăклăх кунне уявлама йышăннă. Çулсерен нумай çул пĕрле пурăнакан, çĕршыва юрăхлă нумай ача пăхса ÿстерекен мăшăрсене «Юратупа шанчăклăхшăн» медальпе чыслаççĕ.
"Ача-пăча пÿрт тултарать", - тенĕ ваттисем. Чăн та, çемье ăшши çутă тĕнчене килнĕ тĕпренчĕксенчен те чылай килет. Вĕсем - ашшĕ-амăшĕн савăнăçĕ, куç тулли телейĕ. Кунпа Вăрнар районĕнчи Юпшик ялĕнче пурăнакан Земфира Африканова та килĕшмесĕр тăраймарĕ. Мăшăрĕпе 4 ачи 35-ри хĕрарăмшăн - пĕтĕм пурнăç.
"Тăлăх турата тăвăл та хуçать", - тенĕ ваттисем. Ашшĕ-амăшĕн хÿттисĕр юлнă ачасене те йывăр. Аслисен кĕçĕннисене хăй вăхăтĕнче тивĕçлĕ воспитани памалла. Анчах тĕпренчĕкĕсене çуратсанах пăрахса хăварнине, ĕçкĕпе иртĕхекен ашшĕ-амăшĕ ачисем çине алă сулнине епле ăнлантарма пулать-ши?
Чăвашла верси
Русская версия
