«Эпĕ яланах хамăн ума питĕ пысăк тĕллевсемпе ĕмĕтсем лартатăп. Вĕсенчен 10 проценчĕ пурнăçлансан та питĕ лайăх», — тет Красноармейски районĕнчи Именкассинчи Денис Посадский фермер. Вĕсем ашшĕпе Леонид Ивановичпа пĕрле малтан килĕнче сурăх усранă, 2012 çулта хресчен-фермер хуçалăхĕ йĕркеленĕ. Шав малалла ăнтăлаканскерсем экологи тĕлĕшĕнчен таса аш-какай туса илеççĕ, çав хушăрах селекци енĕпе те ĕçлеççĕ.
Куславкка районĕнчи «Родина» хуçалăхра пĕрчĕллĕ тата пăрçа йышши культурăсем кăна туса илеççĕ. Пĕлсе ĕçлени, рынокра хăйсен вырăнне тупни ĕçченсене тупăш илме, аталанма май парать.
Нумаях пулмасть Комсомольски районĕнчи «Слава картофелю» агрофирмăра çĕр улмине вирус тата бактери чирĕсенчен тасатнă вăрлăх ÿстерекен тата диагностика лабораторийĕ хута кайнă. Селекципе вăрлăх центрĕнче малашне çулталăкра 5 пин тонна элита вăрлăхĕ туса илме тытăнĕç.
Пулас фермера тĕнче касса çÿрени йăлăхтарнă
Канаш районĕнчи Ухман ялĕнче çуралса ÿснĕ Валерий Макаров пĕр вăхăт Канаш хулинчи тĕрлĕ предприятире вăй хунă пулин те тăван тăрăхра тĕпленсе ĕçленине нимĕн те çитменнине лайăх ăнланса илнĕ.
Чăвашла верси
Русская версия
