Ача

Шупашкарти «Пилеш» ача сачĕ çуллахи вăхăтра куна уçă сывлăшра, çĕкленÿллĕ туйăм парнелекен юрă çеммипе ушкăнĕпе гимнастика тунинчен пуçлать. Воспитатель е спортинструктор кăтартса паракан хусканусене еплерех тăрăшса тăваççĕ шăпăрлансем! Кÿршĕллĕ 162-мĕш ача садĕнче те ирех янăрать хускалма-сикме хавхалантаракан кĕвĕ-çемĕ. Çак самантра тĕнчери пур пепке те хăй çÿрекен пĕлÿпе воспитани çуртĕнче ÿт-пĕвне вылятма карталанса тăнăн туйăнать.

Птăрьел районĕнчи Сăкăт ача садне çÿрекен¬сен пысăк савăнăç — шăпăрлансем кĕçех пĕрле пуçтарăнса вăхăта хаваслăн ирттерме тытăнĕç- çке. Умра — авăн уйăхĕ. Эппин, ача сачĕ каллех кĕрлесе тăрĕ.

Subscribe to Ача