Çамрăксем

16 Кăрлач, 2014

Пултаруллă кадетсем

Кадетсен Георгий балĕ иртсе кайрĕ пулин те аса илÿсем паян та чуна ăшăтаççĕ-ха. Иртнĕ номерте каламаннине паян хускатăпăр.

Çĕмĕрлери 6-мĕш шкул кадечĕсем - бала уçакансем пулса тăчĕç. Çиччĕмĕшĕнче вĕренекен Таня Маркова, Наташа Федорова тата Александра Павлова кадет класне иккĕмĕш çул çÿреççĕ. Хастарскерсем пур çĕре те ĕлкĕреççĕ, хăйсене тĕрлĕ енлĕн аталантараççĕ.

16 Кăрлач, 2014

«Тантăш» - Канаш районĕнче

Хастарлăхпа, ăсталăхпа палăраççĕ!

Вырăскас Пикшиксем ăш пиллĕ, тараватлă пулнине унти шкула кĕрсенех ăнланса илтĕм. Палламан çынна курсан та сывлăх сунаççĕ. Ун пек чухне сăн-пит йăл кулăпа çуталать, чĕре савăнăçпа тулать çав. Лайăх паллăсемпе çеç вĕренме тăрăшаççĕ çак шкул ачисем, унсăр пуçне, районпа республикăра иртекен мероприятие хастар хутшăнма тăрăшаççĕ. Уйрăмах тĕрлĕ предмет олимпиадинче палăрнисем нумай кунта. Кашни çулах Раççей шайĕнче иртекен чылай конкурс-викторинăра çĕнтернисем те пĕрре çеç мар.

10 Кăрлач, 2014

Çитĕнÿ тăрăшуллисене юратать

Пултаруллă ача пур ĕçе те хастар хутшăнать. Иртнĕ çул республика Пуçлăхĕн стипендине илсе тăнă Димитрий Ильин пирки те çаплах калас килет. Ĕçне тăвиччен тĕплĕн шухăшлама хăнăхнăскер хавхалану укçин пĕр пусне те тĕкĕнмен-ха, унпа тĕллевлĕ усă курасшăн. Çитĕнÿ тăрăшуллисене юратать.

10 Кăрлач, 2014

«Тантăш» - Канаш енре

Канаш районĕнчи Шелттем шкулне пырса кĕрсенех кунта алă усса ларма юратман ачасем вĕреннине туйрăм. Вĕсен пĕр пушă вăхăт та çук тейĕн. Тăхтава та усăллă ирттерме тăрăшаççĕ арçын ачасемпе хĕр ачасем. Хăшĕ-пĕри тепĕр урока хатĕрленет: киле ĕçне аса илет. Теприсен - тĕрĕслев ĕçĕ... Ăна валли те правилăсемпе теоремăсене пăхса тухмалла. Библиотекăна çул тытакан та сахал мар. Акă теннис сĕтелĕ патĕнче пĕр ушкăн пухăннă, пурте тусĕ-сем еплерех вылянине сăнаса тăраççĕ, хавхаланаççĕ... Кĕçĕн классен вĕренÿ кунĕ те вĕçленнĕ ĕнтĕ, анчах вĕсем те киле кайма васкамаççĕ.

Pages